ព័ត៌មានជាតិ

ខេត្តកំពង់ស្ពឺ នឹងលើកកម្ពស់ក្រុងច្បារមនឲ្យជាប់ជ័យលាភីផ្ការំដួលជាទីក្រុងស្អាត

បានផុស

៣ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

រដ្ឋបាលខេត្តកំពង់ស្ពឺត្រៀមខ្លួនជាស្រេច នឹងលើកកម្ពស់ក្រុងច្បារមនឲ្យក្លាយជាទីក្រុងស្អាតមានអនាម័យដើម្បីទទួលបានជ័យលាភីផ្ការំដួល២ទងនៅឆ្នាំ២០២២នេះ។

ក្រុងស្អាតនិងមានអនាម័យល្អ គឺផ្តើមចេញពីយើងទាំងអស់គ្នាបានចូលរួមចំណែកលើកកម្ពស់សោភ័ណភាព ខេត្ត ក្រុង ព្រមទាំងអភិវឌ្ឍសេដ្ឋកិច្ចបៃតង។ នេះបើតាមការបញ្ជាក់របស់ឯកឧត្តម សុខ ភា អភិបាលរងខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម សុខ ភា បានបញ្ជាក់ថា រដ្ឋបាលខេត្តកំពង់ស្ពឺ ប្ដេជ្ញាចិត្តដណ្តើមយកចំណាត់ថ្នាក់ ផ្ការំដួល ២ទងក្នុងការប្រកួតប្រជែងទីក្រុងស្អាតនៅឆ្នាំ២០២២។ រដ្ឋបាលខេត្តនឹងបង្កើនភាពទាក់ទាញក្នុងវិស័យទេសចរណ៍បន្ថែមទៀត ដោយសារវិស័យទេសចរណ៍និងមិនពឹងផ្អែកលើផលិតផលទេសចរណ៍តែមួយមុខនោះទេ។ តែក៏អាស្រ័យលើការអភិវឌ្ឍប្រកបដោយចីរភាព គុណភាពបរិស្ថាន និងមានសេវាសាធារណៈល្អ។

ឯកឧត្តមមានប្រសាសន៍បន្តថា ឆ្នាំកន្លងទៅនៅខ្វះតែ២ពិន្ទុប៉ុណ្ណោះ ខេត្តកំពង់ស្ពឺនឹងបានផ្ការំដួល២ ទងក្នុងការប្រកួតប្រជែងទឹកស្អាត។ ឆ្នាំនេះរដ្ឋបាលខេត្តចង់ដណ្ដើមយកឲ្យបានផ្ការំដួល២ទង តែក៏ទាមទារឲ្យក៏ឲ្យមានការចូលរួមយ៉ាងសកម្មពីគ្រប់បណ្ដាអង្គភាពដែលពាក់ព័ន្ធ។

សូមជម្រាបថា ការរៀបចំតុបតែងលំអមធ្យោបាយដឹកជញ្ជូនសាធារណៈឲ្យស៊ីសង្វាក់គ្នានិងស្របតាមអត្តសញ្ញាណនៅទីក្រុងរួមទាំងភាពទាក់ទាញទេសចរណ៍ដែលជាចំណុចពិសេសមួយរបស់រដ្ឋបាលខេត្តកំពង់ស្ពឺដែលរដ្ឋបាលខេត្តកំពង់ស្ពឺនឹងបន្តអភិវឌ្ឍន៍។

ស្របគ្នានេះខេត្តមានគោលដៅគ្រប់គ្រងសំណល់រឹងរាវ អោយមានប្រសិទ្ធភាពនិងបំផុសប្រជាជនឲ្យចេះបែងចែកសំរាម ដាក់សំរាមក្នុងធុងចេះគ្រប់គ្រងសំណល់មានជាតិគីមីផ្សេងៗពីគ្នានិងឲ្យចេះកែច្នៃសំរាមទៀតផង៕

អត្ថបទ៖ រុងរឿង

Related Topics:ខេត្តកំពង់ស្ពឺ