ព័ត៌មានជាតិ

រកឃើញពលករខ្មែរម្នាក់វិជ្ជមានកូវីដក្នុងចំណោម១២១នាក់ ដែលអាជ្ញាធរថៃបញ្ជូនមកកម្ពុជាវិញ

បានផុស

៣ years មុន

នៅ

ថ្ងៃពុធ ២៣ កុម្ភៈ ២០២២

ដោយ

ពលករខ្មែរដែលឆ្លងដែនខុសច្បាប់ចូលទៅក្នុងប្រទេសថៃ ត្រូវបានអាជ្ញាធរថៃចាប់បញ្ជូនអោយត្រឡប់មកមាតុប្រទេសវិញ ដែលសរុបមានចំនួន១២១នាក់ ក្នុងនោះគេក៏បានរកឃើញអ្នកផ្ទុកមេរោគកូវីដ-១៩ ម្នាក់ផងដែរ។

នៅព្រឹកថ្ងៃទី២២ ខែកុម្ភ: ឆ្នាំ២០២២ នេះ ដោយអនុវត្តន៍តាមបទបញ្ជារបស់ លោកឧត្តមសេនីយ៍ទោ សាត គឹមសាន ស្នងការនគរបាលខេត្ត ដែលបានបញ្ជាអោយត្រួតពិនិត្យជាប់ជាប្រចាំស្ដីពីការការពារសន្តិសុខតាមខ្សែបន្ទាត់ព្រំដែន កម្ពុជា-ថៃ និងត្រួតពិនិត្យពលរដ្ឋឆ្លងដែន ព្រមទាំងស្រាវជ្រាវរកមុខសញ្ញាមេខ្យល់នាំពលករចេញដោយមិនស្របច្បាប់ក្នុងភូមិសាស្ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយគោរពតាមបទបញ្ជា និងក្រោមការបញ្ជាផ្ទាល់របស់លោកវរសេនីយ៍ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោកលេខ៨១៩ បានចាត់កម្លាំងប៉ុស្តិ៍អូរអន្លក់ សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យទៅទទួលពលករវិលត្រឡប់មកស្រុកវិញ ដែលភាគីថៃបានបញ្ជូនមកតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ។

បន្ទាប់ពីបានសាកសួរ កត់ឈ្មោះ ចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវី-១៩ ទៅលើពលករចំនួន១២១នាក់ក្នុងនោះស្រី៤១នាក់ ក្មេង១២នាក់ រួចមក ក្រុមគ្រូពេទ្យបានធ្វើតេស្តរហ័ស ជាលទ្ធផល គឺមានវិជ្ជមានកូវីដ-១៩ ចំនួន១នាក់ ប្រុស។

នៅក្នុងពេលនោះដែរពលករចំនួន៤៤នាក់ ក្នុងនោះ ស្រី១៤នាក់ បានបញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន ចំណែកពលករដែលមានកាតចាក់វ៉ាក់សាំងរួច ចំនួន៧៦នាក់ ក្នុងនោះ ស្រី២៧នាក់ ត្រូវក្រុមគ្រូពេទ្យអនុញ្ញាតអោយត្រឡប់ទៅស្រុកកំណើតរៀងៗខ្លួនវិញ ៕

អត្ថបទ៖ សោ និយមរ័ត្ន