ព័ត៌មានជាតិ
មន្ទីរអប់រំរាជធានីភ្នំពេញ កំពុងធ្វើបច្ចុប្បន្នភាពបុគ្គលិកអប់រំ និងសិស្សបានចាក់វ៉ាក់សាំងបង្ការជំងឺកូវីដ-១៩
ប្រធានមន្ទីរអប់រំ យុវជន និងកីឡារាជធានីភ្នំពេញ បានឲ្យដឹងថា បច្ចុប្បន្ននេះមន្ទីរអប់រំ បានណែនាំដល់គណៈគ្រប់គ្រងសាលាទាំងអស់ ធ្វើបច្ចុប្បន្នភាពបុគ្គលិកអប់រំ និងសិស្សានុ-សិស្ស ដែលទទួលបានវ៉ាក់សាំង និងមិនទាន់បានចាក់វ៉ាក់សាំង ដើម្បីធ្វើរបាយការណ៍ ជូនក្រសួងអប់រំ យុវជន និងកីឡា។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានមានប្រសាសន៍នៅថ្ងៃទី ២៣ ខែកុម្ភៈនេះថា តាមព័ត៌មានដែលលោកទទួលបាន គឺមានសិស្ស និងគ្រូដែលទទួលបានការចាក់វ៉ាក់សាំងដូសជំរុញ បានជិត ១០០ភាគរយហើយ។
លោកប្រធានមន្ទីរ បានបន្តថា យ៉ាងណាក៏ដោយ ដើម្បីឲ្យបានស្ថិតិមួយច្បាស់លាស់ គណៈគ្រប់គ្រងសាលានីមួយៗ ត្រូវធ្វើបច្ចុប្បន្នភាពឡើងវិញ មុននឹងដាក់ជូនរបាយការណ៍ ទៅក្រសួងអប់រំ យុវជន និងកីឡានាពេលខាងមុខនេះ ជាពិសេសអ្នកដែលមិនទាន់ដាក់វ៉ាក់សាំង តើបណ្តាលមកពីមូលហេតុអ្វី?
កាលពីថ្មីៗនេះ ក្រសួងអប់រំ យុវជន និងកីឡា បានណែនាំដល់គណៈគ្រប់គ្រងសាលាទាំងអស់ ត្រូវធ្វើការស្រង់ស្ថិតិបុគ្គលិកអប់រំ និងសិស្សានុ-សិស្ស ដែលបានចាក់វ៉ាក់សាំងបង្ការជំងឺកូវីដ-១៩ ឬមិនទាន់បានចាក់វ៉ាក់សាំងដូសមូលដ្ឋាន និងដូសទី ៣ ដើម្បីជំរុញឲ្យពួកគេទៅចាក់ឲ្យបានគ្រប់ៗគ្នា។
ក្នុងនោះ ក្រសួងបានណែនាំដល់គ្រូទទួលបន្ទុកថ្នាក់ ត្រូវស្រង់ស្ថិតិស្សានុ-សិស្ស ដែលបានចាក់ និងមិនទាន់បានចាក់វ៉ាក់សាំងដូសមូលដ្ឋាន (ដូសទី១ និងទី២) និងដូសជំរុញ (ដូសទី៣) រួចបញ្ជូនទៅគណៈគ្រប់គ្រង គ្រឹះស្ថានសិក្សា ដើម្បីធ្វើការបូកសរុប។
ចំណែកគណៈគ្រប់គ្រងគ្រឹះស្ថានសិក្សា ត្រូវរៀបចំបូកសរុបស្ថិតិបុគ្គលិកអប់រំ សិស្សានុ-សិស្ស ដែលបានចាក់ និងមិនទាន់ចាក់វ៉ាក់សាំងដូសមូលដ្ឋាន និងដូសជំរុញ ហើយត្រូវផ្សព្វផ្សាយ និងជំរុញបន្ថែមដល់បុគ្គលិកអប់រំ សិស្សានុ-សិស្ស ឲ្យទៅចាក់វ៉ាក់សាំងឲ្យបានគ្រប់ៗគ្នា៕
អត្ថបទ៖ សំអឿន




-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ