ព័ត៌មានជាតិ

សិប្បករវ័យក្មេង កែច្នៃសម្បកកង់ឡានម៉ូតូចាស់ៗ ជាគ្រឿងតែងលំអ

បានផុស

៣ years មុន

នៅ

ថ្ងៃសៅរ៍ ១២ ធ្នូ ២០២០

ដោយ

សិប្បកម្មកែច្នៃពីសម្បកកង់ឡាន កង់ម៉ូតូចាស់ៗឲ្យក្លាយទៅគ្រឿងតែងលំអ មាន តុ កៅអី ឋិតនៅក្នុងឃុំព្រៃស្នៀត ស្រុកពារាំង ខេត្តព្រៃវែង ដែលទើបតែនឹងបង្កើតឡើងថ្មីៗនេះ នឹងជាការសាកល្បងអាជីវកម្មជាលើកដំបូង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សឿង សួគ៌ា ម្ចាស់សិប្បកម្មកែច្នៃពីសម្បកកង់ឡាន និងម៉ូតូចាស់ៗដែលមានវ័យនៅក្មេង តែមានគំនិតកែច្នៃវត្ថុដើម ដែលបែរក្លាយពីសំរាមអេតចាយឲ្យទៅជាគ្រឿងសង្ហារិមយ៉ាងស្រស់ស្អាតជាទីចាប់អារម្មណ៍អ្ នកយកទៅប្រើប្រាស់។ លោកសួគ៌ាបន្តថា អាជីវកម្មកែច្នៃនេះ ជាលើកដំបូងរបស់ខ្ញុំ ហើយក៏ជាការសាកល្បង ក្នុងមុខរបរសិប្បកម្មនេះដែរ។ ពីមុនមកខ្ញុំរៀនសូត្រជំនាញគណនេយ្យករ ដោយនឹកមិនដល់ថាចង់ចាប់ផ្តើមអាជីវកម្មនេះ នៅពេលដែលបានឃើញគេបោះបង់ចោលនៅសម្បកកង់ឡាន សម្បកកង់ម៉ូតូចាស់ៗក៏បែកគំនិតចង់យករបស់ទាំងនោះមកកែច្នៃឡើងវិញ និងក៏ជាការចូលរួមសម្អាតបរិស្ថានផងដែរ។ លោក សួគ៌ា បានបន្ថែមទៀតថា សិប្បកម្មកែច្នៃនេះ ទើបតែបង្កើតឡើងថ្មីៗនេះ នឹងក៏ធ្លាប់បង្ហាញវត្តមានក្នុងពិព័រណ៍កោះពេជ្រកន្លងទៅនេះ។

សិប្បកម្មកែច្នៃរបស់សិប្បករវ័យក្មេងរូបនេះ បានយកសម្បកកង់ឡាននិងសម្បកកង់ម៉ូតូចាស់ៗមកកែច្នៃជាតុ កៅអី ផើងផ្កា ទោង រូបសត្វនិងរបស់លម្អផ្ទះច្រើនទៀត ដោយក្នុងនោះ តុ និងកៅអីមាន២ប្រភេទ តុកៅអីប្រភេទទាប លក់ចេញថ្លៃ១២០ដុល្លារ តុកៅអីប្រភេទខ្ពស់លក់ចេញថ្លៃ១៥០ដុល្លារ ចំពោះគុណភាពប្រើប្រាស់ជាប់បានយូរដូចជាឈើនិងដែកដែរ៕

អត្ថបទ៖ កញ្ញា វ៉ាត

សូមចុចអាន៖ កសិករក្នុងឃុំភ្នំលៀប ទទួលបានការបណ្ដុះបណ្ដាលជំនាញចិញ្ចឹមសត្វ

Related Topics:មុខរបរ