មេដឹកនាំម៉ាឡេស៊ី សុំឲ្យកម្ពុជា ប្រើផលិតផលដូងប្រេងរបស់ម៉ាឡេស៊ីនៅក្នុងព្រឹត្តិការណ៍ស៊ីហ្គេមឆ្នាំ ២០២៣

លោកនាយករដ្ឋមន្រ្តីម៉ាឡេស៊ី ដាតុ ស្រ៊ី អ៊ីស្មាអែល សាប្រ៊ី ប៊ីន យ៉ាកុប បានស្នើសូមឲ្យកម្ពុជាប្រើប្រាស់ផលិតផលដូងប្រេងរបស់ម៉ាឡេស៊ី នៅក្នុងព្រឹត្តិការណ៍ស៊ីហ្គេមឆ្នាំ ២០២៣ខាងមុខ។ សំណើនេះ ត្រូវបានស្វាគមន៍ដោយសម្តេចតេជោ ហ៊ុន សែន នាយករដ្ឋមន្រ្តីកម្ពុជា នៅក្នុងជំនួបពិភាក្សាការងារនាព្រឹកថ្ងៃទី ២៤ ខែកុម្ភៈ ២០២០ ។

ជាការឆ្លើយតប សម្តេចតេជោនាយករដ្ឋមន្រ្តីបានមានប្រសាសន៍នៅក្នុងសន្និសីទសារព័ត៌មាន បន្ទាប់ពីជំនួបជាមួយលោកនាយករដ្ឋមន្រ្តីម៉ាឡេស៊ី ដោយប្រាប់ឲ្យក្រសួងពាណិជ្ជកម្ម ឲ្យពិភាក្សាជាមួយអ្នកផ្គត់ផ្គង់របស់ម៉ាឡេស៊ី ដើម្បីទទួលទិញផលិតផលដូងប្រេងនេះ។

សម្តេចតេជោ បានបន្តថា យើងបានគាំទ្រសំណើរបស់ម៉ាឡេស៊ី ដោយសម្តេចតេជោ បានគូសបញ្ជាក់ថា ការពិតទៅប្រទេសកម្ពុជាបានប្រើប្រាស់នូវផលិតផលដូងប្រេងរបស់ម៉ាឡេស៊ីច្រើនណាស់មកហើយ ។

សូមបញ្ជាក់ថា លោកនាយករដ្ឋមន្រ្តីម៉ាឡេស៊ី ​ដាតុ ស្រ៊ី អ៊ីស្មាអែល សាប្រ៊ី ប៊ីន យ៉ាកុប ​(Dato’ Sri Ismail bin Yaakob)​ អមដំណើរ​ដោយ​គណៈ​ប្រតិភូ​ជាន់​ខ្ពស់​ កំពុង​បំពេញ​ទស្សនកិច្ច​ផ្លូវការ​នៅ​កម្ពុជា ​ចាប់ពី​ថ្ងៃ​ទី​២៣-២៤​ ខែ​កុម្ភៈ​នេះ៕ ដោយ៖ណារី