ព័ត៌មានជាតិ

លោកចៅក្រម ហុង សុគន្ធវឌ្ឍនា ចេញដីកាសម្រេចឃុំខ្លួនឈ្មោះ នី ណាក់ ដាក់ពន្ធនាគារតាមការ ចោទប្រកាន់របស់ព្រះរាជអាជ្ញា

បានផុស

៤ years មុន

នៅ

ថ្ងៃសៅរ៍ ១២ ធ្នូ ២០២០

ដោយ

គិតត្រឹមវេលាម៉ោង១រសៀលថ្ងៃទី១២ ខែធ្នូ ឆ្នាំ២០២០នេះ ជនជាប់ចោទ នី ណាក់ ត្រូវបានចៅក្រមស៊ើបសួរសាលាដំបូងរាជធានីភ្នំពេញ លោកហុង សុគុណវឌ្ឍនា ចេញដីការសម្រេចឃុំខ្លួនដាក់ពន្ធនាគារព្រៃសបណ្តោះអាសន្នហើយ រងចាំបើកការស៊ើបអង្គេតបន្ថែមនៅពេលក្រោយ ។

ជនជាប់ចោទ នី ណាក់ មានអាយុ៤១ឆ្នាំ មុខរបរលក់ដូរសាច់ក្រកតាមអនឡាយ មានស្រុកកំណើតនៅស្រុកសង្កែ ខេត្តបាត់ដំបង ត្រូវបានលោក ប្លង់ សុផល ព្រះរាជអាជ្ញាររងអមសាលាដំបូងរាជធានីភ្នំពេញ កាលពីល្ងាចថ្ងៃទី១១ ខែធ្នូ ឆ្នាំ២០២០ បានធ្វើការចោទប្រកាន់ចំនួន២បទល្មើស គឺបទ ញុះ ញង់ ឲ្យមានការរើសអើង និងបទជេរប្រមាថជាសាធារណៈ តាមមាត្រា ៤៩៤ មាត្រា៤៩៦ និង មាត្រា ៣០៧ នៃក្រមព្រហ្មទណ្ឌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ជនជាប់ចោទខាងលើ ត្រូវបានកម្លាំងនគរបាល នៃនាយកដ្ឋានប្រឆាំងបទល្មើស បច្ចេកវិទ្យា ធ្វើចាប់ខ្លួនតាមដីការបង្គាប់បញ្ជារអោយនាំខ្លួន របស់ព្រះរាជអាជ្ញាររងអមសាលាដំបូងរាជធានីភ្នំពេញ ពាក់ព័ន្ធនឹងបទល្មើសដូចដែលបានចោទប្រកាន់ពីខាងលើ ដែលរូបគេប្រព្រឹត្តិនៅរាជធានីភ្នំពេញ កាលពីថ្ងៃទី០៧ ខែធ្នូ ឆ្នាំ២០២០ ។

គួររំលឹកបន្ថែម ថា ហ្វេសប៊ុកផេកឈ្មោះ Iman -KH ដែលកាន់កាប់ដោយបុគ្គលឈ្មោះ នី ណាក់ បានសរសេរថា «ខ្ញុំបានត្រៀមឬព្រៀងលិខិតនិងឯកសាររួចរាល់អស់ ហើយក្នុងការស្នើដាក់ទ្រុង មាន់របស់ខ្ញុំក្នុងភាពអាសន្ន ព្រោះមូលហេតុ មានមេរោគផ្តាសាយរលាកផ្លូវដង្ហើម កំពុងតែរាតត្បាតក្នុងកសិដ្ឋាន។ ខ្ញុំមិនចង់គិតដល់ចំណុចនេះទេ ព្រោះវាធ្វើអោយខូចខាតសេដ្ឋកិច្ចរបស់កូនមាន់យ៉ាងធ្ងន់ធ្ងរ ។ ខ្ញុំសង្ឃឹមថា កូនមាន់នឹងចេះពាក់ម៉ាស់គ្រប់គ្នាហើយដេកនៅក្នុងទ្រុង កុំចេញក្រៅអោយសោះបើគ្មានការចាំបាច់»។

សំណេររបស់ឈ្មោះ នី ណាក់ នាពេលនេះ ត្រូវបានមជ្ឈដ្ឋានជាច្រើនកំពុងជជែកគ្នា និង អះអាងថា កំពុងឌឺដង ឬ ផ្គើន នឹងប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ។

បុគ្គល នី ណាក់ នេះ កន្លងមក តែងតែដៀមដាម ជេរប្រមាថ ទៅលើបុគ្គល និង ស្ថាប័ន រដ្ឋ ជាញឹកញាប់ តែហាក់គ្មានអ្វីកើតឡើងចំពោះបុគ្គលម្នាក់នេះទាល់តែសោះ ខណៈកន្លងមក ក៏ធ្លាប់បានធ្វើលិខិតសុំទោសជាសាធារណៈ ផងដែរ ដោយសារសម្ដី ព្រហើនបែបនេះ ៕

អត្ថបទដោយ ៖ មករា

Related Topics:សាលាដំបូងរាជធានីភ្នំពេញ