ព័ត៌មានជាតិ

អ្នកនាំពាក្យក្រសួងការបរទេសថា កម្ពុជាពុំមានស្ថានទូតនៅអ៊ុយក្រែន នោះទេ

បានផុស

៣ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ២៥ ខែកុម្ភៈនេះថា ប្រទេសកម្ពុជា ពុំមានស្ថានទូតនៅប្រទេសអ៊ុយក្រែន នោះទេ។ ដោយឡែកចំពោះបញ្ហាប្រជាពលរដ្ឋ ក៏ដូចជានិស្សិតខ្មែរនៅទីនោះ លោកនៅមិនទាន់ដឹងអំពីព័ត៌មាននេះនៅឡើយដែរ ដោយកំពុងរង់ចាំការបញ្ជាក់ពីស្ថានទូតកម្ពុជា ប្រចាំនៅប្រទេសរុស្ស៊ី។

សូមជម្រាបថា រុស្ស៊ី បានចាប់ផ្តើមវាយប្រហារពេញទំហឹង ចូលទៅកាន់ប្រទេសអ៊ុយក្រែន កាលពីថ្ងៃព្រហស្បតិ៍ ហើយទីក្រុងគៀវបានរាយការណ៍ថា មានមនុស្សស្លាប់ជាង ១០០នាក់ និងរបួសជាង ៤០០នាក់ ហើយការប្រយុទ្ធគ្នាដ៏ខ្លាំងថែមទៀត បានកើតឡើងនៅព្រឹកថ្ងៃសុក្រនេះ នៅក្នុងទីក្រុង Sumy ភាគឦសាន នៃប្រទេសអ៊ុយក្រែន។

ក្នុងនោះ ការបាញ់ផ្លោងរបស់រុស្ស៊ី បានស្រោចលើបណ្តាទីក្រុងរបស់អ៊ុយក្រែន ក្រោយពីប្រធានាធិបតីពូទីន ចេញបញ្ជាឲ្យបើកប្រតិបត្តិការសឹកពិសេសចូលអ៊ុយក្រែន ហើយមកដល់ពេលនេះ កងកម្លាំងយោធារុស្ស៊ី បានបន្តរុលចូលជ្រៅទៅក្នុងប្រទេសអ៊ុយក្រែន ជាបន្តបន្ទាប់ទៀត៕

អត្ថបទ៖ កោះកែវ