ព័ត៌មានជាតិ

អាជ្ញាធរខេត្តឧត្ដរមានជ័យ បំផុសពលរដ្ឋ ចូលរួមបញ្ចប់ព្រឹត្តិការណ៍សហគមន៍២៨វិច្ឆិកា

បានផុស

៤ years មុន

នៅ

ថ្ងៃសៅរ៍ ១២ ធ្នូ ២០២០

ដោយ

នៅថ្ងៃទី១២ ខែធ្នូ ឆ្នាំ២០២០នេះ លោក ប៉ែន កុសល្យ អភិបាលខេត្តឧត្ដរមានជ័យ ដឹកនាំមន្ត្រីរាជការចុះធ្វើយុទ្ធនាការផ្សព្វផ្សាយ និងចែកម៉ាស បាញ់អាកុល វាស់កម្ដៅ ជូនដល់អាជីវករនៅក្នុងផ្សារសំរោង ចំនួន ១,០០០ម៉ាស ព្រមទាំងប្រជាពលរដ្ឋនៅតាមដងផ្លូវ ។យុទ្ធនាការផ្សព្វផ្សាយនេះ ដើម្បីបំផុសចលនា នៃការពាក់ម៉ាស ក្នុងបំណងទប់ស្កាត់ការរីករាលដាលជំងឺកូវីដ-១៩ ជាពិសេសចូលរួមបញ្ចប់ព្រឹត្តិការណ៍សហគមន៍២៨ វិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសនោះ លោក ប៉ែន កុសល្យ អភិបាលខេត្តឧត្ដរមានជ័យ បានណែនាំដល់អាជីវករ និងប្រជាពលរដ្ឋទាំងអស់ ចូលរួមពាក់ម៉ាសគ្រប់ៗគ្នា និងលាងដៃជាមួយសាប៊ូ អាកុល ឬជែល ព្រមទាំងចៀសវាងការជួបជុំ ស្របតាមការជូនដំណឹងតាមបទបញ្ជារបស់រាជរដ្ឋាភិបាល ។

អភិបាលខេត្តឧត្ដរមានជ័យ បានថ្លែងទៀតថា ចំពោះអាជីវករ ទាំងឡាយណាដែលមិនព្រមគោរពតាមបទបញ្ជារបស់រាជរដ្ឋាភិបាល នោះទេ អាជ្ញាធរខេត្តនឹងចុះបិទទីតាំងអាជីវកម្មនោះជាបណ្ដោះអាសន្ន ក្នុងន័យបញ្ចប់ព្រឹត្តិការណ៍សហគមន៍២៨វិច្ឆិកា៕

អត្ថបទ ៖ចាន់ ធី