ព័ត៌មានជាតិ

អ្នកនាំពាក្យបញ្ជាក់ជាថ្មី! នៅអ៊ុយក្រែន មានអតីតនិស្សិត ២៣ នាក់ កំពុងរស់នៅជាមួយគ្រួសារ

បានផុស

៣ years មុន

នៅ

ថ្ងៃសៅរ៍ ២៦ កុម្ភៈ ២០២២

ដោយ

អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា លោក ជុំ សុន្ទរី បានបញ្ជាក់ជាថ្មី នាព្រឹកនេះថា នៅអ៊ុយក្រែន មានអតីតនិស្សិតចំនួន ២៣ នាក់ កំពុងរស់នៅជាមួយគ្រួសាររបស់ពួកគេ ដែលអតីតនិស្សិតទាំងនោះ បានទៅសិក្សាក្នុងរង្វង់ទសវត្សទី ៨០ និងដើមទសវត្សទី ៩០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជុំ សុន្ទរី បញ្ជាក់យ៉ាងដូច្នេះថា “បន្ថែមលើព័ត៌មានបឋម ដែលបានជម្រាបជូនកាលពីថ្ងៃទី ២៥ ខែកុម្ភៈ ខ្ញុំសូមជម្រាបជូនថា តាមព័ត៌មានទទួលបានពីសមាគមអតីតនិស្សិតកម្ពុជានៅសហភាពសូវៀត ពុំមាននិស្សិតកម្ពុជា ដែលបច្ចុប្បន្នកំពុងសិក្សានៅក្នុងប្រទេសអ៊ុយក្រែនទេ ក៏ប៉ុន្តែមានអតីតនិស្សិត ដែលបានទៅសិក្សាក្នុងជំនាន់អតីតសហភាពសូវៀត ក្នុងរង្វង់ទសវត្សទី៨០ និង ដើមទសវត្សទី ៩០ ចំនួន ២៣នាក់ដែលកំពង់រស់នៅលើទឹកដីប្រទេសអ៊ុយក្រែន ជាមួយគ្រួសាររបស់ពួកគេ”។

បើតាមលោក ជុំ សុន្ទរី “ក្រសួងការបរទេស និងសហប្រតិបត្តិការអន្តរជាតិហើយ និងស្ថានទូតកម្ពុជាប្រចាំនៅរុស្ស៊ី កំពុងខិតខំទំនាក់ទំនងជាមួយពលរដ្ឋខ្មែរទាំងអស់នោះ ដើម្បីទទួលបានព័ត៌មានអំពីស្ថានភាពរបស់ពួកគាត់”៕

អត្ថបទ៖ កោះកែវ

Related Topics:និស្សិតខ្មែរ