ភោជនីដ្ឋានចំនួន៤កន្លែងនៅភ្នំពេញត្រូវបានមន្ត្រីជំនាញចុះណែនាំ

មូលដ្ឋានអាជីវកម្មភោជនីយដ្ឋានចំនួន៤កន្លែងនៅក្នុងខណ្ឌដូនពេញរាជធានីភ្នំពេញត្រូវបានក្រុមការងារអនុវត្តន៏វិធានសុវត្ថិភាពទេសចរណ៍ចុះណែនាំឲ្យអនុវត្តវិធានសុវត្ថិភាពទេសចរណ៍ឲ្យបានត្រឹមត្រូវដើម្បីចូលរួមទប់ស្កាត់ជំងឺកូវីដ១៩​ដែលកំពុងឆ្លងចូលក្នុងសហគមន៍។

ភោជនីដ្ឋានទាំង៤ទីតាំងដែលក្រុមការងារចុះត្រួតពិនិត្យនោះរួមមាន១. ភោជនីយដ្ឋាន ឌឺ ហ្គាឌិន ២. ភោជនីយដ្ឋាន សានតាហ្វេ ៣. ភោ ជ នីយដ្ឋាន ឡឹ សេអ៊ូលនិង៤.ភោជនីយដ្ឋាន សេវេនប្រាយ ឃីង ។

លោក គុជ បញ្ញាសា អនុរដ្ឋលេខាធិការក្រសួងទេសចរណ៍ និងជាប្រធានអនុក្រុមការងារទី២ដែលបានដឹកនាំក្រុមការងារចុះត្រួតពិនិត្យនៅភោជនីដ្ឋានទាំងនោះបានបានណែនាំ និងចែកជូនសេចក្តីណែនាំស្តីពីការទប់ស្កាត់ការរីករាលដាល់នៃងំងឺកូវីត១៩  នៅក្នុងសហគមន៍នៅរាជធានីភ្នំពេញដល់ម្ចាស់  ឬតំណាងអាជីវកម្មឱ្យចូលរួមអនុវត្ត្ត និងបំពេញឱ្យបាននូវការណែនាំតាមវិធានសុវត្ថិភាពទេសចរណ៍ និងតាមការណែនាំរបស់ក្រសួងសុខាភិបាល។

ជាងនេះទៀត ក្រុមការងារក៏បានចែកជូនខិតបណ្ណ និងណែនាំបន្ថែម ស្តីពីកាតព្វកិច្ចផ្តល់ និងស្រង់ទិន្ន័យភ្ញៀវទេសចរក្នុងដំណាក់កាលកូវីដ១៩ ក្នុងប្រព័ន្ធ  (Telegram BOT ) ដែលតម្រូវឱ្យមានការចូលរួមពីភ្ញៀវទេសចរ ព្រមទាំងប្រតិបត្តិករទេសចរណ៍ និយោជិក និងបុគ្គលិកទាំងអស់៕

សំអឿន