Connect with us

ព័ត៌មានជាតិ

ប្រគល់ផ្ទះ ១ខ្នង ជូនជនពិការភ្នែកទាំង ២ ដែលជួបការលំបាកខ្លាំង ដោយសារកូវីដ-១៩

បានផុស

នៅ

លោកស្រី ប្រាក់ ថាវៈភារី សមាជិកក្រុមប្រឹក្សាភិបាល នៃមូលនិធិជនពិការ តំណាងឲ្យលោក រឿន រិទ្ធីរ័ត្ន ប្រធានក្រុមប្រឹក្សាភិបាលនៃមូលនិធិជនពិការ បានចុះប្រគល់ផ្ទះថ្មី ១ខ្នងរបស់មូលនិធិជនពិការ ធ្វើអំពីថ្មប្រកស័ង្កសីទំហំ ៤x៦ម៉ែត្រ ជូនជនពិការក្រីក្រឈ្មោះ ហេង គន្ធា ភេទប្រុស អាយុ ៣៧ឆ្នាំ ជាជនពិការភ្នែកទាំងសងខាង រស់នៅភូមិព្រែកអញ្ចាញ ៤ សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ នៅថ្ងៃទី ២៨ ខែកុម្ភៈ ឆ្នាំ ២០២២នេះ។

តាមសេចក្តីរាយការណ៍របស់លោក បាន វុត្ថា ប្រធានសាខាមូលនិធិជនពិការរាជធានីភ្នំពេញ បានឲ្យដឹងថា ជនពិការនេះមានឈ្មោះ ហេង គន្ធា ភេទប្រុស អាយុ ៣៧ មានពិការភាពពិការភ្នែកទាំងសងខាង ដោយសារគ្រោះថ្នាក់ចរាចរណ៍អំឡុងឆ្នាំ ១៩៩៤ មានប្រពន្ធឈ្មោះ សាយ គ្រឹស្នា អាយុ២៤ឆ្នាំ។

បច្ចុប្បន្នគាត់មានមុខរបរ ជាអ្នកចំរៀងរបស់សមាគមន៍តន្ត្រីសំនៀងជនពិការ ដែលកន្លងមកគាត់ដើរសុំគេច្រៀងតាមរោងការ បានប្រាក់បន្តិចបន្ទួចសម្រាប់ចិញ្ចឹមជីវិត តែដោយសារបញ្ហារីករាលដាលនៃជំងឺកូវីដ-១៩ ក្នុងរយៈកាលកន្លងមកនេះ ធ្វើឲ្យគាត់បាត់បង់ចំណូលស្ទើរតែទាំងស្រុង។ បច្ចុប្បន្នជនពិការរូបនេះ ទទួលបានការស្នាក់នៅបណ្តោះអាសន្ន ក្នុងសមាគមន៍តន្ត្រីសំនៀងជនពិការ ដែលនៅទីនោះ គាត់ទទួលបានការផ្គត់ផ្គង់ជាការស្នាក់នៅ និងអាហារ។

គាត់និងភរិយាមានដី ១កន្លែងនៅភូមិព្រែកអញ្ចាញ ៤ សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ តែមិនមានលទ្ធភាពក្នុងការសាងសង់ផ្ទះទេ ដោយគោលដៅជីវិតរបស់គាត់ ក្រៅពីរបរច្រៀងតាមរោងការ គឺគាត់ចង់មានផ្ទះ ១ខ្នង និងរកស៊ីលក់ដូរបន្តិចបន្ទួចនៅទីនោះ ដើម្បីបង្កើនចំណូល និងមានទីជម្រកផ្ទាល់ខ្លួនដូចគេឯង។ ដោយពិនិត្យឃើញ នូវទុកលំបាករបស់ជនពិការរូបនេះ សាខាមូលនិធិជនពិការរាជធានីភ្នំពេញ បានសហការជាមួយអាជ្ញាធរដែនដី ធ្វើការកសាងឯកសារមកមូលនិធិជនពិការ ដើម្បីស្នើសុំផ្ទះ ១ខ្នងជូនគាត់។

លោកស្រី ប្រាក់ ថាវៈភារី សមាជិកក្រុមប្រឹក្សាភិបាល នៃមូលនិធិជនពិការបានថ្លែងថា ជំនួសមុខឲ្យលោកប្រធានក្រុមប្រឹក្សាភិបាលនៃម.ជ.ព. «ខ្ញុំពិតជាសប្បាយរីករាយណាស់ ដែលកម្មវិធីសាងសង់ផ្ទះជូនជនពិការក្រីក្រ តាមសហគមន៍នេះ ពិតជាបានជួយរំលែកទុកលំបាក ក្នុងការរស់នៅ និងបានលើកកម្ពស់គុណភាពជីវិត របស់គ្រួសារជនពិការខាងលើ ឲ្យកាន់តែប្រសើរប្រាកដមែន»។

ជាមួយគ្នានេះ លោកស្រីក៏បានថ្លែងអំណរគុណ ដល់សាខាម.ជ.ព.រាជធានី និងអាជ្ញាធរមូលដ្ឋាន ដែលបានយកចិត្តទុកដាក់ សហការស្វែករកជនពិការក្រីក្រ និងការកសាងឯកសារពាក់ព័ន្ធ ជូនម.ជ.ព. ក៏ដូចជាចូលរួមចាក់ដីបំពេញ សម្រាប់ដំណើរការសាងសង់ផងដែរ។ លោកស្រីបានផ្តាំផ្ញើរដល់គ្រួសារជនពិការ សូមថែរក្សាសុខភាពដើម្បីជៀសផុតពីជំងឺនានា និងព្យាយាមកែច្នៃបង្កើនមុខរបរបន្ថែមដើម្បីផ្គត់ផ្គង់ជីវភាព ឲ្យកាន់តែប្រសើរឡើង។ ផ្ទះដែលម.ជ.ព.សាងសង់ជូននេះ គឺជាការចូលរួមបរិច្ចាគរបស់ប្រជាពលរដ្ឋកម្ពុជាទូទាំងប្រទេស សំដៅដល់ការចូលរួមជួយដល់ជនពិការដែលជួបទុកលំបាក ដូច្នេះសមិទ្ធផលដែលមានក្នុងថ្ងៃនេះ សូមលោក ហេង គន្ធា មេត្តាជួយថែទាំផ្ទះ១ខ្នងនេះឲ្យបាននៅគង់វង្សយូរអង្វែងតទៅ។

ជនពិការម្ចាស់ផ្ទះ បានថ្លែងអំណរគុណដល់រាជរដ្ឋាភិបាល តាមរយៈមូលនិធិជនពិការ ដែលបានផ្តល់ផ្ទះ ១ខ្នងនេះដល់គាត់ ដែលកន្លងមកនេះគាត់ឃើញថា ប្រមុខរាជរដ្ឋាភិបាលតែងតែយកចិត្តទុក្ខដាក់ ដល់បងប្អូនជនពិការ តាមរយៈការឧបត្ថម្ភជាសាច់ប្រាក់ ការគាំទ្រជាស្បៀងអាហារ ការគាំទ្រជាសម្ភារៈតន្រ្តី ហើយពេលនេះមានការគាំទ្រផ្តល់ជាផ្ទះ ១ខ្នងផងដែរ ដែលនេះពិតជាមិនអាចកាត់ថ្លៃបានទេ។

ក្នុងពិធីនេះដែរ មូលនិធិជនពិការ ក៏បានផ្តល់ជូននូវអំណោយសប្បុរសធម៌ របស់មូលនិធិជនពិការ សម្រាប់ផ្តល់ជូនដល់គ្រួសារជនពិការ ដែលទទួលបានផ្ទះថ្មី នូវថវិកាចំនួន ១០ម៉ឺនរៀល អង្ករ ២៥គីឡូក្រោម ត្រីខ ២យួរ ទឹកស៊ីវអ៊ីវ ១យួរ ទឹកត្រី ១យួរ អំបិល ២កញ្ចប់ និងមី ១កេស ជាមួយគ្នានេះ លោកស្រី ប្រាក់ ថាវៈភារី ក៏បានឧបត្ថម្ភបន្ថែម នូវថវិកាមួយចំនួនទៀត ជូនដល់គ្រួសារជនពិការខាងលើ ដើម្បីទិញសម្ភារៈប្រើប្រាស់មួយចំនួន ផងដែរ៕

អត្ថបទ៖ វិមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ករណីបាក់ស្ពាននៅស្រុកស្អាង÷ ពលរដ្ឋអាចធ្វើចរាចរចេញ-ចូល តាមខ្លោងទ្វារវត្តពាមប្រជុំ ជាប់ផ្លូវជាតិលេខ២១

ព័ត៌មានជាតិ៣ ម៉ោង មុន

ក្រសួងបរិស្ថាន÷ ខេត្តកោះកុង ជាខេត្តមានខ្យល់បំពុលកម្រិតខ្ពស់ជាងគេ  

ព័ត៌មានជាតិ៣ ម៉ោង មុន

លោក ហេង សួរ ៖ សាធារណជន​មាន​បំណង​ស្វែង​រក​ការងារធ្វើនៅក្រៅប្រទេស សូមមកប្រើប្រាស់ «បញ្ជរសេវាសាធារណៈចល័ត»

សន្តិសុខសង្គម៤ ម៉ោង មុន

រយៈពេល ២ ថ្ងៃ កម្លាំងកងរាជអាវុធហត្ថខេត្តបាត់ដំបង បង្ក្រាបថ្នាំញៀន ២០០ គីឡូក្រាម និងឃាត់ខ្លួនមុខសញ្ញា ១១ នាក់

ព័ត៌មានជាតិ៧ ម៉ោង មុន

របាយការណ៍បឋម៖ រថយន្តដឹកគ្រឿង​ចក្រ​លើសទម្ងន់បណ្តាលឱ្យបាក់ស្ពានដែក

ព័ត៌មានអន្ដរជាតិ១១ ម៉ោង មុន

អាមេរិក ផ្អាក​ជំនួយ​នៅ​បរទេស​ទាំង​អស់ លើកលែង​តែ​ប្រទេស​ចំនួន​២

ព័ត៌មានជាតិ៧ ម៉ោង មុន

របាយការណ៍បឋម៖ រថយន្តដឹកគ្រឿង​ចក្រ​លើសទម្ងន់បណ្តាលឱ្យបាក់ស្ពានដែក

ព័ត៌មានជាតិ១៣ ម៉ោង មុន

អេស៊ីលីដាទទួលបានការបញ្ជាទិញសញ្ញាបណ្ណជាង៨៥លានដុល្លារនៃការធ្វើបរិវិសកម្មដំណាក់ទី១

ព័ត៌មានជាតិ៣ ម៉ោង មុន

ករណីបាក់ស្ពាននៅស្រុកស្អាង÷ ពលរដ្ឋអាចធ្វើចរាចរចេញ-ចូល តាមខ្លោងទ្វារវត្តពាមប្រជុំ ជាប់ផ្លូវជាតិលេខ២១

ចរាចរណ៍១២ ម៉ោង មុន

ពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍

Sokha Hotels

ព័ត៌មានពេញនិយម