ព័ត៌មានជាតិ
ឃាតកម្មលើដូនជីនៅវត្តនិវេស មានតម្រុយខ្លះហើយ ពាក់ព័ន្ធព្រះសង្ឃ៣អង្គ កំពុងស៊ើបសួរ
ដូនជីអាយុ៨២ឆ្នាំម្នាក់ នៅវត្តនិវេស ឃុំឫស្សីក្រោក ស្រុកមង្គលបូរី ដែលត្រូវបានឃាតកសម្លាប់ កាប់ចិញ្ច្រាំមុខខ្ទេច មានតម្រុយខ្លះហើយ គឺពាក់ព័ន្ធនឹងព្រះសង្ឃ៣អង្គក្នុងវត្តកំពុងតែស៊ើបសួរ។
សមត្ថកិច្ចនគរបាលនិយាយថា តម្រុយអង្គហេតុ និងការសួរចម្លើយបានបង្ហាញថា ឃាតកម្មនេះបើយោងតាមសមត្ថកិច្ចនគរបាលព្រហ្មទណ្ឌ នៃស្នងការដ្ឋាននគរបាលខេត្តបន្ទាយមានជ័យ និងអធិការដ្ឋាននគរបាលស្រុកមង្គលបូរី បានប្រាប់អ្នកយកព័ត៌មានកាលពីថ្ងៃទី១២ ខែធ្នូ ឆ្នាំ២០២០នេះឲ្យដឹងថា តម្រុយឃាតកម្មលើដូនជីក្នុងវត្តនិវេស គ្មានអ្នកមកពីឆ្ងាយទេ។
បន្ថែមពីនោះ សមត្ថកិច្ចនគរបាលព្រហ្មទណ្ឌ ក្រោមកិច្ចសម្របសម្រួលពីព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ បាននិមន្តព្រះសង្ឃ៣អង្គមកសាកសួរ។ ក្នុងនោះ ព្រះសង្ឃមួយអង្គ មានការសង្ស័យជាងគេ ព្រោះស្បង់ចីវររបស់ព្រះអង្គមានស្នាមដិតដាមប្រឡាក់ឈាមនៅជាមួយសពដូនជី។ ជាមួយនោះ ក្នុងពេលកើតហេតុ ព្រះសង្ឃអង្គនោះ បានដើរទៅមកតែមួយអង្គឯង គ្មានអ្នកណាផ្សេងចូលទៅទេ។
សមត្ថកិច្ចបានបន្តថា បើយោងតាមការធ្វើកោសល្យវិច័យ អំពើឃាតកម្មនោះ គឺប្រព្រឹត្តដោយអ្នកមានចំណេះ មានជំនាញ និងមានការបញ្ជា ព្រោះបានសម្លាប់ប្រើពេលយូរដែរ ដោយកាប់នឹងពូថៅលើក្បាល និងមុខដូនជី កាប់បំបែកភ្នែកទាំងគូ។ បន្ថែមពីនោះ យកពូថៅទៅលាក់យ៉ាងល្អលើប្រឡោះធ្នើរកុដិ ដើម្បីបង្វែរភស្តុតាង។ លុះពេលសមត្ថកិច្ចហ៊ុមព័ទ្ធកន្លែងឃាតកម្ម ព្រះសង្ឃមួយអង្គនេះចេះតែទាមទារយកនូវស្បង់ដែលមានដិតដាមឈាមនោះចេញ។
សមត្ថកិច្ចបន្ថែមថា អំពើឃាតកម្មនេះ មិនសមជាអំពើប្លន់យកទ្រព្យទេ។ ឃាតកម្មមកពីករណីដឹងរឿងសម្ងាត់ ឬអាថ៌កំបាំងអ្វីមួយ។
លោកវរសេនីយ៍ ស៊ីន ណារ៉ាក់ អធិការនគរបាលស្រុកមង្គលបូរីបានប្រាប់ឲ្យដឹងថា មុខសញ្ញាជាច្រើន ត្រូវបានសមត្ថកិច្ចនគរបាល និងការសម្របសម្រួលពីព្រះរាជអាជ្ញា កោះហៅមកសាកសួរ អង្កេតបន្តបន្ទាប់ ព្រោះអង្គហេតុនេះ គ្មានអ្នកមកពីឆ្ងាយណាចូលមកធ្វើឃាតឡើយ ហេតុនេះមានតែព្រះសង្ឃ៣អង្គនេះឯងបន្តស៊ើបអង្កេតលើមុខសញ្ញាសង្ស័យ។
សូមរំលឹកថា កាលពីចន្លោះម៉ោង៤ ទៅ៥ល្ងាច ថ្ងៃទី២៦ ខែវិច្ឆិកា កន្លងទៅ ដូនជី ឈ្មោះ សៅ សែត អាយុ៨២ឆ្នាំ នៅសំណាក់ធម៌ក្នុងវត្តនិវេស ត្រូវឃាតកសម្លាប់ដោយកាប់នឹងពូថៅ ខ្ទេចមុខ និងក្បាល ហើយថែមទាំងបំបែកភ្នែកទាំងគូផង។ រឿងនេះ ប៉ូលិស កំពុងបន្តស៊ើបអង្កេតស្រាវជ្រាវសង្ឃឹមថា នឹងវែកមុខឃាតកឃើញនៅពេលខាងមុខនេះ៕
អត្ថបទ ៖ វ៉ាន់ ណាង
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ