ព័ត៌មានជាតិ
អគ្គស្នងការនគរបាលជាតិស្នើឲ្យអូស្ត្រាលីជួយបណ្តុះបណ្តាលធនធានមនុស្សលើបទល្មើសបច្ចេកវិទ្យា
នាយឧត្តមសេនីយ៍ សន្តិបណ្ឌិត នេត សាវឿន បានស្នើដល់អគ្គស្នងការនគរបាលសហព័ន្ធអូស្ត្រាលី ជួយបណ្តុះបណ្តាលធនធានមនុស្សពាក់ព័ន្ធបទល្មើសពាក់ព័ន្ធបច្ចេកវិទ្យាដើម្បីធានាសន្តិសុខ សុវត្ថិភាពក្នុងប្រទេសក៏ដូចជាក្នុងតំបន់ផងដែរ។
ថ្លែងនៅក្នុងកិច្ចប្រជុំទ្វេភាគី ជាមួយ លោកReece Philip Kershaw អគ្គស្នងការនគរបាលសហព័ន្ធអូស្ត្រាលី នៅព្រឹកថ្ងៃទី ១ មីនានេះ នាយឧត្តមសេនីយ៍ សន្តិបណ្ឌិត នេត សាវឿន បានស្នើអគ្គស្នងការនគរបាលសហព័ន្ធអូស្ត្រាលី ជួយពង្រឹងធនធានមនុស្សពាក់ព័ន្ធបទល្មើសសម្អាតប្រាក់ បទល្មើសសេដ្ឋកិច្ច បទល្មើសពាក់ព័ន្ធបច្ចេកវិទ្យា ដែលចាត់ទុកជាបញ្ហាថ្មីសម្រាប់កម្ពុជានាពេលបច្ចុប្បន្ន។
ទន្ទឹមនឹងនេះ នាយឧត្តមសេនីយ៍ សន្តិបណ្ឌិត នេត សាវឿន ក៏បានស្នើដល់ភាគីអូស្ត្រាលី ជួយដល់ការគាំទ្រពាក់ព័ន្ធនិងការផ្លាស់ប្តូរព័ត៌មាននានា ដែលពាក់ព័ន្ធដល់ព្រឹត្តិការណ៍នយោបាល ក៏ដូចជាព្រឹត្តិការណ៍តំបន់ដែលពាក់ព័ន្ធជាមួយកម្ពុជា ដែលឆ្នាំ២០២២-២០២៣នេះ កម្ពុជានឹងមានការបោះឆ្នោតឃុំ សង្កាត់ ការបោះឆ្នោតសភាជាតិ។ ដោយឡែកកម្ពុជានឹងធ្វើជាម្ចាស់នៃកិច្ចប្រជុំកំពូលអាស៊ាន និងវេទិកាសំខាន់មួយទៀត គឺការប្រកួតកីឡាស៊ីហ្គេម ដែលជាព្រឹត្តិការណ៍ទី១ សម្រាប់កម្ពុជា ដែលត្រូវទទួលរ៉ាប់រងជាម្ចាស់ផ្ទះ ជាពិសេសគឺការផ្តល់ជាបទពិសោធន៍មកដល់នគរបាលកម្ពុជា ចំពោះកិច្ចការពារព្រឹត្តិការណ៍ទាំងអស់នេះ តាមរយៈការប្រជុំតាមវីដេអូពីចម្ងាយ រឺក៏អាចចាត់បញ្ជូនផ្លាស់ប្តូរគណៈប្រតិភូក្នុងក្របខណ្ឌពាក់ព័ន្ធនិងកិច្ចការពារនេះ។
បន្ថែមពីនេះ នាយឧត្តមសេនីយ៍ នេត សាវឿន ក៏បានបញ្ជាក់អំពីបញ្ហាប្រឈមជាសត្យានុម័តមួយចំនួនពាក់ព័ន្ធដល់និន្នាការគ្រឿងញៀននៅកម្ពុជា រួមទាំងការគ្រប់គ្រងសារធាតុគីមីផ្សំសម្រាប់សំយោគកែច្នៃផលិតគ្រឿងញៀនផងដែរ ដែលបញ្ហានេះបានផ្លាស់ប្តូរយោបល់ និងពិសោធន៍ទៅវិញទៅមក និងប្តេជ្ញារួមគ្នាផ្លាស់ប្តូរព័ត៌មាន ក្នុងន័យពង្រឹងកិច្ចសហប្រតិបត្តិការ ការបណ្តុះបណ្តាល ដើម្បីទប់ស្កាត់នូវបទឧក្រិដ្ឋ ពិសេសទប់ស្កាត់គ្រឿងញៀនឲ្យបានពីចម្ងាយ។
ជាការឆ្លើយតប លោក Reece Philip Kershaw អគ្គស្នងការនគរបាលសហព័ន្ធអូស្ត្រាលី បានថ្លែងបញ្ជាក់ថា ភាគីអូស្ត្រាលី ពេញចិត្តក្នុងការធ្វើកិច្ចសហប្រតិបត្តិការ ដែលជាសំណូមពររបស់ភាគីកម្ពុជា និងសន្យាជួយជ្រោមជ្រែងដល់ភាគីកម្ពុជា ទាំងពិសោធន៍ និងកិច្ចការផ្សេងៗទៀតដែលអាចធ្វើទៅបាន។
លោក Reece Philip Kershaw បានបញ្ជាក់ទៀតថា ក្នុងកិច្ចសហប្រតិបត្តិការជាង២០ឆ្នាំ រវាងនគរបាលកម្ពុជា និងអូស្ត្រាលី ដែលបន្សល់ទុកនៅសមិទ្ធផលជាច្រើន ព្រមទាំងបានធ្វើឲ្យចំណងមិត្តភាពនេះក្លាយទៅជាមិត្តភាពជាប្រពៃណី។
ក្នុងឱកាសនោះ លោកអគ្គស្នងការនគរបាលសហព័ន្ធអូស្ត្រាលី បានថ្លែងអំណរគុណយ៉ាងជ្រាលជ្រៅចំពោះកិច្ចសហការរបស់នគរបាលកម្ពុជាពាក់ព័ន្ធនិងការប្រយុទ្ធប្រឆាំងគ្រឿងញៀន និងការបង្ការទប់ស្កាត់ពីចំងាយគ្រឿងញៀនទៅអូស្ត្រាលី ក៏ដូចជាក្រុមម៉ូតូធំ៕
ដោយ ៖ សំអឿន
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់