ប្រ​មុខដឹកនាំកម្ពុជា ស្នើសុំឲ្យមា​នការយោគយល់ចំពោះការឡើងថ្លៃប្រេងសាំង

នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ៣(ភ្នំពេញ-កំពត) ប្រវែងជាង១៣៤គីឡូម៉ែត្រ នៅព្រឹកថ្ងៃពុធនេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានស្នើសុំដល់ប្រជាពលរដ្ឋទាំងអស់មេត្តាយោគយល់ចំពោះការឡើងថ្លៃប្រេងសាំងនៅក្នុងប្រទេសកម្ពុជា។ សម្តេចនាយករដ្ឋមន្រ្តីកម្ពុជា បានអះអាងថា ការឡើងថ្លៃប្រេងសាំងនេះ មិនមែនមានតែកម្ពុជានោះទេ ពោល គឺឡើងថ្លៃនៅប្រទេសផ្សេងផងដែរ។

សូមបញ្ជាក់ថា ស្របពេលដែលសង្គ្រាមរវាងរុស្ស៊ី និងអ៊ុយក្រែនកំពុងផ្ទុះឡើង តម្លៃប្រេងសាំងនៅលើពិភពលោកក៏មានការប្រែប្រួលយ៉ាងខ្លាំងផងដែរ ក្នុងនោះប្រទេសចំនួន ២ នៅ តំបន់អាស៊ីអាគ្នេយ៍ (អាស៊ាន) រួមទាំងកម្ពុជាផងនោះ ឃើញថាតម្លៃប្រេងសាំងបានឡើងថ្លៃ ១០០ រៀលបន្ថែមទៀតដែលនឹងត្រូវដាក់លក់ក្នុងតម្លៃ ៤,៨០០ រៀលក្នុងមួយលីត្រ។ ខាងក្រោមនេះ គឺជាតម្លៃប្រេងសាំងធម្មតាលក់ក្នុងមួយលីត្រនៅបណ្ដាប្រទេសអាស៊ាន ៖

១. ព្រុយណេ តម្លៃ ០.២៦ ដុល្លារ (១,០៥០​ រៀល) ក្នុងមួយលីត្រ

២. ម៉ាឡេស៊ី តម្លៃ ០.៤៨ ដុល្លារ (១,៩៥០​ រៀល) ក្នុងមួយលីត្រ

៣. ឥណ្ឌូណេស៊ី តម្លៃ ០.៨៨ ដុល្លារ (៣,៥០០ រៀល) ក្នុងមួយលីត្រ

៤. មីយ៉ាន់ម៉ា តម្លៃ ១.០៧ ដុល្លារ (៤,២៥០ រៀល) ក្នុងមួយលីត្រ

៥. ថៃ តម្លៃ ១.១១ ដុល្លារ (៤,៤៥០ រៀល) ក្នុងមួយលីត្រ

៦. វៀតណាម តម្លៃ ១.១៧ ដុល្លារ (៤,៦៥០ រៀល) ក្នុងមួយលីត្រ

៧. កម្ពុជា តម្លៃ ១.១៨ ដុល្លារ (៤,៨០០ រៀល) ក្នុងមួយលីត្រ

៨. ហ្វីលីពីន តម្លៃ ១.២៧ ដុល្លារ (៥,០៥០ រៀល) ក្នុងមួយលីត្រ

៩. ឡាវ តម្លៃ ១.៣៤ ដុល្លារ (៥,៣៥០ រៀល) ក្នុងមួយលីត្រ

១០. សិង្ហបុរី តម្លៃ ១.៩៧ ដុល្លារ (៧,៨៥០ រៀល) ក្នុងមួយលីត្រ

ដោយ ៖ វណ្ណ សុគន្ធា