ព័ត៌មានជាតិ

បង្ក្រាបទីតាំងអ៊ីនធឺណិត បង្កប់ល្បែងស៊ីសង នៅក្រុងបាត់ដំបង

បានផុស

៤ years មុន

នៅ

ថ្ងៃចន្ទ ១៤ ធ្នូ ២០២០

ដោយ

បង្ក្រាបទីតាំង internet បង្កប់ ល្បែងស៊ីសង នៅក្រុងបាត់ដំបង កម្លាំងស្នងការនិងអធិការក្រុងបាត់ដំបង បានសហការចុះបង្ក្រាបទីតាំងអ៊ីនធឺណិត ដែលសង្ស័យថា មានបង្កប់ល្បែងស៊ីសងខុសច្បាប់( ភ្នាល់បាល់តាមប្រព័ន្ធអ៊ីនធឺណិត ) ចំនួន ០២ ទីតាំងនៅក្នុងក្រុមទី០៨ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង កាលពីរសៀលថ្ងៃទី១៣ ខែធ្នូ ឆ្នាំ២០២០នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការដែលដឹកនាំដោយលោក លឹម ពុទ្ធីឡា ស្នងការរងនគរបាលខេត្តបាត់ដំបង ខាងលើនេះ បានធ្វើការនាំខ្លួនមនុស្សស្រី ប្រុសចំនួន ១១ នាក់ មកកាន់ស្នងការដ្ឋាន ដើម្បីធ្វើការសាកសួរស្រាវជ្រាវ និងបានដកហូតជាបណ្ដោះអាសន្ននូវសម្ភារៈឧបករណ៍នៅក្នុងទីតាំងនោះមួយចំនួនធំផង។

សូមជម្រាបបញ្ជាក់ថា ទីតាំងដែលបានបើកប្រកបមុខរបរអ៊ីនធឺណិត ដែលមានច្បាប់អនុញ្ញាតត្រឹមត្រូវ តែមានលួចលាក់បង្កប់នូវសកម្មភាពល្បែងស៊ីសង ដោយខុសច្បាប់នោះ បានកើតឡើងយូរមកហើយ និងមានការរិះគន់ជាបន្តបន្ទាប់ពីមហាជន ជាបន្តបន្ទាប់។ ទោះបីយ៉ាងណាសមត្ថកិច្ចថា នឹងបន្តចាត់វិធានការបង្ក្រាបនិងបញ្ជូនទៅតុលាការផ្ដន្ទាទោសតាមផ្លូវច្បាប់ បន្តទៀត៕