ព័ត៌មានជាតិ

ចរាចរណ៍លើផ្លូវធំៗ បានវិលមកកកស្ទះវិញ ក្រោយករណីឆ្លងកូវីដ១៩ ថមថយចុះ

បានផុស

៤ years មុន

នៅ

ថ្ងៃចន្ទ ១៤ ធ្នូ ២០២០

ដោយ

បន្ទាប់ពីករណីឆ្លងកូវីដ-១៩ ក្នុងព្រឹត្តិការណ៍ សហគមន៍២៨វិច្ឆិកា មានការថមថយ ស្ថានភាពចរាចរណ៍នៅតាមដងផ្លូវបានវិលមកកកស្ទះវិញនៅដើមសប្តាហ៍ថ្ងៃទី ១៤ ខែធ្នូ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដំណើរតាមដងផ្លូវយ៉ាងច្រើនកុះករ បង្កឲ្យមានការកកស្ទះចរាចរណ៍ដោយអន្លើផងដែរ ខណៈដែរកាលពីព្រឹត្តិការណ៍សហគមន៍២៨វិច្ឆិកាចូលមកដល់ភ្លាម នៅតាមដងផ្លូវនានាមានសភាពស្ងប់ស្ងាត់ គឺមិនមានអ្នកដំណើរច្រើនទេ មានន័យថា ងាយស្រួលក្នុងការធ្វើដំណើរណាស់។ ប៉ុន្តែសម្រាប់ពេលនេះ ចរាចរណ៍នៅតាមដងផ្លូវឃើញថា បានវិលទៅរកជាធម្មតាវិញហើយ។ ប៉ុន្តែអ្វីដែលជាការចាប់អារម្មណ៍មួយទៀតនោះ គឺបងប្អូនប្រជាពលរដ្ឋហាក់ដូចជាមានការយល់ដឹងច្រើនជុំវិញ ការបង្ការនិងទប់ស្កាត់នូវការរីករាលដាលនៃជំងឺកូវីដ-១៩នេះ ដោយពួកគាត់ស្ទើរតែ១០០ភាគរយទៅហើយ ដែលបានពាក់ម៉ាសការពារខ្លួននៅតាមដងផ្លូវ។

ជាក់ស្ដែងនៅតាមមហាវិថីធំៗមួយចំនួន ដូចជាមហាវិថីសហព័ន្ធរុស្ស៊ី កម្ពុជាក្រោមជាដើមនាព្រឹកថ្ងៃទី១៤ធ្នូនេះ ប្រជាពលរដ្ឋបានធ្វើដំណើរយ៉ាងច្រើនកកកុញ បណ្តាលឲ្យមានការកកស្ទះចរាចរណ៍ដោយអន្លើ ផងដែរ។

គួរបញ្ជាក់ថា ការឆ្លងរាលដាលក្នុងសហគមន៍ពាក់ព័ន្ធព្រឹត្តិការណ៍សហគមន៍២៨វិច្ឆិកា គិតមកដល់ព្រឹកថ្ងៃ១៤ធ្នូ ២០២០នេះ អ្នកឆ្លងក្នុងព្រឹត្តិការណ៍២៨វិច្ឆិកា មានសរុបចំនួន៤០នាក់។ តែសម្រាប់ថ្ងៃនេះជាថ្ងៃទី៣ហើយ ដែលមិនមានករណីរកឃើញអ្នកឆ្លងថ្មី ក្នុងព្រឹត្តិការណ៍ សហគមន៍ ២៨វិច្ឆិកា៕

អត្ថបទ៖ ស្រីរ័ត្ន

សូមចុចអាន៖ ក្តៅៗពីហាងឆេងម៉ាសលក់នៅផ្សារអូឡាំពិក

Related Topics:ស្ទះចរាចរណ៍