ព័ត៌មានជាតិ

ក្រុមបច្ចេកទេស បន្តអនុវត្តភារកិច្ចរៀបចំ ផែនការអង្កេតរហ័សជនអនាថាលើកទី២ ក្រោយជំងឺកូវីដ-១៩ ថយចុះ

បានផុស

៤ years មុន

នៅ

ថ្ងៃចន្ទ ១៤ ធ្នូ ២០២០

ដោយ

មន្ត្រីជំនាញរបស់នាយកដ្ឋានសុខុមាលភាពសង្គមនៃក្រសួងសង្គមកិច្ចអតីតយុទ្ធជន និងយុវនីតិសម្បទាបានថ្លែងថា ក្រុមការងារបច្ចេកទេស បានបន្តអនុវត្តភារកិច្ចរៀបចំផែនការ អង្កេតរហ័សជនអាណាថាលើកទី២ ក្រោយពេលមានភាពប្រសើរនៃជំងឺ កូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសក្នុងកិច្ចពិភាក្សាជាមួយក្រុមការងារបច្ចេកទេសអង្កេតរហ័សជនអនាថាលើកទី ១ ដើម្បីពិភាក្សាលើវឌ្ឍនភាពនៃការអង្កេតលើកទី១ និងការ រៀបចំផែនការអង្កេតលើកទី២ ក្រោយពេលភាព ប្រសើរនៃជំងឺកូវីដ-១៩ តាម zoomថ្មីៗនេះ នៃនាយកដ្ឋានសុខុមាលភាពសង្គម។

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសបានថ្លែងថា ក្រៅពីកិច្ចការអង្កេតរហ័សជនអាណាថា លើកទី១និងទិសដៅផែនកសរលើកទី២នោះខាងក្រសួងក៏បានប្រកាសថា ចាប់ពីថ្ងៃទី១០ ខែធ្នូ ឆ្នាំ២០២០តទៅ បងប្អូនគ្រួសារក្រីក្រ និងងាយរងគ្រោះពិសេស ដែលទទួលផលប៉ះពាល់ដោយសារជំងឺរាតត្បាតកូវីដ១៩ អញ្ជើញមកពិនិត្យឈ្មោះឲ្យបានត្រឹមត្រូវ នៅតាមមូលដ្ឋានឃុំ សង្កាត់រៀងៗខ្លួន ដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាលក្នុងសកម្មភាពជុំទី៣ លើកទី២ គិតចាប់តាំងពីថ្ងៃទី១០ ខែធ្នូ ឆ្នាំ២០២០តទៅ។ ដោយឡែកគ្រួសារ ដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចព័ត៌មានខាងលើ សូមរួសរាន់មកទំនាក់ទំនងជាមួយអាជ្ញាធរមូលដ្ឋាន ដែលខ្លួនស្នាក់អាស្រ័យនោះ ដើម្បីទទួលបានអត្ថប្រយោជន៍ ដែលរាជរដ្ឋាភិបាល បានផ្តល់ជូនជៀសវាងភាពមិនប្រក្រតីណាមួយកើតឡើង ដោយសារតែការខុសឈ្មោះឬអត្តសញ្ញាណណាមួយនោះ៕

អត្ថបទ៖ វិមាន

Related Topics:កិច្ចប្រជុំ