ឱកាសក្លាយជាគ្រូបង្វឹក ក្នុងកម្មវិធីជជែកដេញដោលយុវជនអាស៊ាន លើកដំបូង

ក្រសួងអប់រំ យុវជន និងកីឡា នៅថ្ងៃទី១៤ ខែមីនា ឆ្នាំ២០២២នេះ បានជូនដំណឹងដល់ពលរដ្ឋកម្ពុជា ពិសេសអ្នកមានបទពិសោធន៍ និងសមត្ថភាព ស្ដីពីការចាប់ឱកាសដើម្បីក្លាយជាគ្រូបង្វឹកក្នុងកម្មវិធី “ការជជែកដេញដោលយុវជនអាស៊ាន” លើកដំបូង។

ក្រសួងអប់រំ យុវជន និងកីឡា បានលើកឡើងថា នេះជាឱកាសពិសេសដែលកម្មវិធី “ការជជែកដេញដោលយុវជនអាស៊ាន” ត្រូវការជ្រើស​រើសគ្រូបង្វឹកផ្នែកជជែកពិភាក្សា ដែលនេះជាការយកចិត្តទុក​ដាក់ និងផ្តល់ឱកាសដល់យុវជនកម្ពុជាដែលមានសមត្ថភាព និងបទពិសោធន៍ល្អៗ​ រួមចំណែកបណ្តុះអនាគតអ្នកដឹកនាំ សម្រាប់សង្គមជាតិ និងជាតំណាងប្រទេសកម្ពុជា។

ក្រសួងអប់រំ យុវជន និងកីឡា បានបញ្ជាក់ថា ឱកាសក្លាយជាគ្រូបង្វឹកនៃក្រុមតស៊ូមតិដ៏ពោរពេញទៅដោយសមត្ថភាព ទំនួលខុសត្រូវ និងភាពជាអ្នកដឹកនាំ កម្រិតអន្តរជាតិ កំពុងរង់ចាំយុវជនដែលមានសមត្ថភាព។

លក្ខខណ្ឌ៖ https://bit.ly/3I9wTDG

គួរបញ្ជាក់ថា ការជ្រើស​រើសគ្រូបង្វឹកផ្នែកជជែកពិភាក្សា សម្រាប់កម្មវិធី “ការជជែកដេញដោលយុវជនអាស៊ាន” មាន កាលបរិច្ឆេទផុតកំណត់នៅថ្ងៃទី៣១ ខែមីនា ឆ្នាំ២០២២។ បេក្ខជនអាចចុះឈ្មោះនៅទីនេះ https://bit.ly/3HTZSv4 ។ សម្រាប់ព័ត៌មានបន្ថែមអាចទាក់ទងទៅតាមរយៈទូរសព្ទលេខ (+855) 61 649 978

(+855) 78 243 298 និងអ៊ីម៉ែល: [email protected] ៕

អត្ថបទ៖ ច័ន្ទ វីរៈ