ព័ត៌មានជាតិ

មនុស្ស ១០ នាក់ ត្រូវចាប់ខ្លួនពាក់ព័ន្ធបំផុសពលរដ្ឋជិត ៣០០ នាក់ ចូលទៅកាន់កាប់ទន្ទ្រានដី ក្នុងស្រុកកំពង់សីលា

បានផុស

៣ years មុន

នៅ

ថ្ងៃចន្ទ ១៤ មីនា ២០២២

ដោយ

ប្រជាពលរដ្ឋជិត ៣០០ នាក់មកពីស្រុកកំពង់សីលា ស្រុកព្រៃនប់ ស្រុកស្ទឹងហាវ និងភាគច្រើនមកពីខេត្តកំពង់ស្ពឺ ត្រូវបានមេខ្យល់បំផុសឲ្យ ចូលទៅទន្ទ្រានកាន់កាប់ដីដោយខុសច្បាប់ នៅក្នុងភូមិសាស្ត្រ ស្រុកកំពង់សីលា ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញបញ្ហានេះ លោក ចាន់ ពន្លក អភិបាលរងស្រុកកំពង់សីលាបានឲ្យដឹងថា ក្រោយពីមានសកម្មភាព បែបនេះ លោកក៏បានទទូលបទបញ្ជា ដឹកនាំកម្លាំង គណៈបញ្ជាការឯកភាពស្រុកកំពង់សីលា រួមមានកម្លាំងនគរបាលនៃអធិការដ្ឋាននគរបាលស្រុក កម្លាំងកងរាជអាវុធហត្ថស្រុក កមកម្លាំងអាវុធហត្ថស្នាក់ការសន្តិសុខ ៤០២ កម្លាំងបរិស្ថាន បានចុះបង្ក្រាបករណីចាប់ដីអាណាធិបតេយ្យ នៅចំណុច គីឡូលេខ ១៧ ក្នុងភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ ដែលប្រជាពលរដ្ឋប្រមាណ ២៩៥ នាក់ ក្នុងនោះស្ត្រី ១១៣ នាក់ បានចាប់ដីអាណាធិបតេយ្យ នៅចំណុចគីឡូលេខ ១៥ ដល់គីឡូលេខ ១៧ ស្ថិតក្នុងភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ។

ជាលទ្ធផលក្នុងកិច្ចប្រតិបត្តិការបង្ក្រាបក្រុមអានាធិបតេយ្យកាន់កាប់ទន្ទ្រានដីរដ្ឋខាងលើ កម្លាំងសមត្ថកិច្ចបានឃាត់ខ្លួនជនសង្ស័យ ជាមេខ្យល់បានចំនួន ១០ នាក់ ដោយក្នុងនោះ ០៣ នាក់ជាតៃកុងឡានដឹកជញ្ជូន មនុស្សមកធ្វើសកម្មភាព។ មនុស្សទាំង ១០ នាក់រួមមាន៖ ទី១. ឈ្មោះ ផាត់ ទី ភេទប្រុស អាយុ ២២ ឆ្នាំ ភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ។ ទី២. ឈ្មោះ ជា ផាន់ណាក់ ភេទប្រុស អាយុ ៤៨ ឆ្នាំ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។ ទី៣. ឈ្មោះ ឡេង ចាន់លីម ភេទប្រុស អាយុ ២៨ ឆ្នាំ ភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ ។ ទី៤. ឈ្មោះ ខៀវ រ៉ន ភេទប្រុស អាយុ ៦០ ឆ្នាំ ភូមិខ ៣ ឃុំសំរ៉ុង ស្រុកព្រៃនប់ ខេត្តព្រះសីហនុ។ ទី៥. ឈ្មោះ ស៊ុ លី ភេទប្រុស អាយុ ៤៣ ឆ្នាំ ភូមិត្នោត ឃុំក្រាំងចេក ស្រុកឧត្តុង ខេត្តកំពង់ស្ពឺ។ ទី៦. ឈ្មោះ រិន លីហូវ ភេទប្រុស អាយុ ៣៣ ឆ្នាំ ភូមិត្រពាំងក្រឡឹង ឃុំគីរីវ័ន្ត ស្រុក ភ្នំស្រួច ខេត្តកំពង់ស្ពឺ។ ទី៧. ឈ្មោះ ខាត់ សៀន ភេទប្រុស អាយុ ៤៥ ឆ្នាំ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ (អ្នកបើកបរ)។ ទី៨. ឈ្មោះ ខាត់ សំណាង ភេទប្រុស អាយុ ៥៨ ឆ្នាំ ភូមិ១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ(អ្នកបើកបរ)។ ទី៩. ឈ្មោះ ឃុំ សាវី អាយុ ២៩ ឆ្នាំ ភូមិស្រល់ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពី (អ្នកបើកបរ) ។ ចំណែកមេខ្យល់ចំនួន ២ នាក់ទៀតមានឈ្មោះ ប៊ន ភេទប្រុស មានទីលំនៅភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ និងឈ្មោះ ផេន ភេទប្រុស មានទីលំនៅភូមិឃុំជាមួយគ្នា ក្រុមការងារកំពង់បន្តតាមចាប់ខ្លួន។

ក្នុងនោះក្រុមការងារដកហូតបានម៉ូតូ ២ គ្រឿង រថយន្ត ចំនួន ៤គ្រឿង និងសម្ភារៈ មួយចំនួនទៀត ដូចជា កាំបិត ពូថៅ ចបជីក កៅស៊ូ តង់ កប៉ុងថ្នាំពណ៌សម្រាប់បាញ់។ល។ ដោយឡែកប្រជាពលរដ្ឋ មួយចំនួនដែលចាញ់បោកមេខ្យល់ក្រុមការងារ បានធ្វើការអប់រំណែនាំឲ្យពួកគាត់បញ្ឈប់ការទន្ទ្រានចាប់ដីរបស់រដ្ឋ ហើយឲ្យពួកគាត់វិលត្រឡប់ទៅផ្ទះវិញរៀងៗខ្លួន ដោយប្រើកម្លាំងគណៈបញ្ជារការឯកភាពស្រុកចំនួន ៥២ នាក់។ បច្ចុប្បន្នជនសង្ស័យរួម និងវត្ថុតាងខាងលើគណៈបញ្ជាការឯកភាពស្រុកបានប្រគល់ទៅឲ្យអធិការដ្ឋាននគរបាលស្រុកកំពង់សីលាសួរនាំតាមនីតិវិធី៕

អត្ថបទ៖ កោះពស់