ព័ត៌មានជាតិ

លោកឃឹម ហ្វីណង់បកស្រាយប្រវត្តិបន្ថែមរង្វង់មូលធំបំផុតជាប់កំណត់ត្រានៅស្រុកខ្មែរ

បានផុស

៤ years មុន

នៅ

ថ្ងៃចន្ទ ១៤ ធ្នូ ២០២០

ដោយ

ពលរដ្ឋនិងអ្នកដំណើរងឿងឆ្ងល់ និងក្រឡេកមើលរង្វង់មូលដ៏ធំមិនធ្លាប់ឃើញ នៅពេលធ្វើដំណើរតាមផ្លូវជាតិលេខ ៦៧ ឆ្ពោះទៅឧទ្យានជាតិភ្នំគូលែន និងទៅស្រុកអន្លង់វែងខេត្តឧត្តរមានជ័យ។

ការពិតរង្វង់មូលដ៏ធំកម្រមានអ្នកដឹងនេះ មានប្រវត្តិជាង ១០ ឆ្នាំមកហើយ មានទីតាំងស្ថិតនៅភូមិបន្ទាយស្រី ឃុំខ្នារសណ្តាយ ស្រុកបន្ទាយស្រី ខេត្តសៀមរាប។

នេះរឿងរ៉ាវខ្លះៗនៃរង្វង់មូលនៅស្រុកបន្ទាយស្រី៖

ស្ថាបនាឡើងក្នុងសម័យអតីតអភិបាលខេត្តសៀមរាប ឯកឧត្តម ស៊ូ ភិរិន្ទ ក្នុងឆ្នាំ ២០១១
ធ្លាប់ប្រើប្រាស់ជាកន្លែងជួយសង្គ្រោះជីវិតពលរដ្ឋនិងភ្ញៀវទេសចរ នៅគ្រាទឹកជំនន់ឆ្នាំ២០១១
ជារង្វង់មូលធំបំផុតជាកំណត់ត្រាក្នុងប្រទេសកម្ពុជាសាងសង់លើផ្ទៃដីទំហំ ២ ហិតា

លោកឃឹម ហ្វីណង់ បានប្រាប់កម្ពុជាថ្មីតាមទូរសព្ទនៅរសៀលនេះថា តាមលោកដឹងពីមុនរង្វង់មូលនេះជាដីលំនៅដ្ឋានរបស់ប្រជាពលរដ្ឋ ក្រោយអាជ្ញាធរត្រូវស្ថាបនាផ្លូវថ្មី បានដោះស្រាយផលប៉ះពាល់ជាមួយពលរដ្ឋរួចហើយសល់ដីក៏ខាងអាជ្ញាធរសម្រេចធ្វើរង្វង់លើដីទាំងមូលតែម្តង។

លោកអភិបាលស្រុកបញ្ជាក់ថា រង្វង់មូលនេះ គ្រោងរៀបចំឡើងវិញ តែមិនដឹងត្រូវកាត់បង្រួមឬយ៉ាងណាទេ ដោយសារវាស្ថិតនៅក្រោមការគ្រប់គ្រងរបស់ក្រសួងសាធារណការនិងដឹកជញ្ជូន៕