ព័ត៌មានជាតិ

ទីតាំងកម្សាន្តស្រដៀង Pub Street នឹងបង្ហាញមុខមាត់នៅខេត្តបាត់ដំបង

បានផុស

៣ years មុន

នៅ

ថ្ងៃព្រហស្បតិ៍ ១៧ មីនា ២០២២

ដោយ

រដ្ឋបាលខេត្តបាត់បង គ្រោងនឹងរៀបចំតំបន់ទេសចរណ៍មួយ ដែលស្រដៀងទៅនឹង Pub Street នៅខេត្តសៀមរាប ដើម្បីទាក់ទាញភ្ញៀវទេសចរណ៍ជាតិ និងអន្តរជាតិទៅកម្សាន្តឱ្យបានកាន់តែច្រើនបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងបង្កើតតំបន់ទេសចរណ៍ស្រដៀងនឹង Pub Street នៅខេត្តសៀមរាបនេះ ត្រូវបានលើកឡើងនៅក្នុងជំនួបពិភាក្សាការងាររវាងលោក សុខ លូ អភិបាលខេត្តបាត់ដំបងជាមួយលោកស្រី Aurelie Vincq អគ្គលេខាធិការសាលាសៀកអេសាក់តូកាលពីថ្ងៃទី១ ៦ ខែមីនា ឆ្នាំ ២០២២។ លោក សុខ លូ អភិបាលខេត្តបាត់ដំបងបានមានប្រសាសន៍ថា នៅពេលខាងមុខនេះរដ្ឋបាលខេត្តនឹងរៀបចំតំបន់មួយដែលស្រដៀងទៅនឹង Pub Street នៅខេត្តសៀមរាប គឺជាតំបន់ដែលភ្ញៀវទេសចរអាចធ្វើដំណើរកម្សាន្ត មានភោជនីយដ្ឋាន ឬអាហារដ្ឋានជាដើម ហើយរដ្ឋបាលខេត្តនឹងធ្វើការសហការជាមួយសមាគមន៍ហ្វារពន្លឺសិល្បៈ ដើម្បីរៀបចំការសម្ដែងសិល្បៈផ្សេងៗនៅក្នុងថ្ងៃណាមួយ ដើម្បីឲ្យប្រជាពលរដ្ឋ ភ្ញៀវទេសចរបានយល់ដឹង និងបានទស្សនាការសម្ដែងសិល្បៈពីសិល្បករក្នុងខេត្តរបស់យើង។

លោកអភិបាលខេត្តសង្ឃឹមថា អង្គការហ្វារពន្លឺសិល្បៈនឹងបន្តធ្វើការបណ្ដុះបណ្ដាលដល់យុវជន យុវនារី ជាពិសេសគឺផ្នែកសិល្បៈនេះ ដើម្បីលើកស្ទួយវិស័យសិល្បៈនៅក្នុងខេត្ត និងដើម្បីលើកទឹកចិត្តដល់អ្នកដែលស្រឡាញ់សិល្បៈ ដែលមានសាលាបណ្ដុះបណ្ដាលវិស័យសិល្បៈបែបនេះ។

លោកស្រី Aurelie Vincq អគ្គលេខាធិការសាលាសៀកអេសាក់តូបានមានប្រសាសន៍ថា គោលបំណងនៃការជួបពិភាក្សាជាមួយលោកអភិបាលខេត្តនពេលនេះ គឺដើម្បីរាយការណ៍អំពីសមាគមហ្វារពន្លឺសិល្បៈ ដែលកំពុងអនុវត្តន៍គម្រោងផ្លាស់ប្ដូរគរុកោសល្យរវាងសមាគមហ្វារពន្លឺសិល្បៈ និងសាលាសៀកបារាំង អេសាក់តូ នៅតំបន់អុកស៊ីតានី ប្រទេសបារាំង។

គួរបញ្ជាក់ថា Pub Street នៅខេត្តសៀមរាបទទួលបានការគាំទ្រ និងពេញនិយមយ៉ាងខ្លាំងពីសំណាក់បងប្អូនប្រជាពលរដ្ឋខ្មែរ និងបរទេសក្នុងការដើរកម្សាន្ត ពិសាអាហារឆ្ងាញ់ៗ និងទិញសម្ភារផ្សេងៗ។ប្រសិនបើខេត្តបាត់ដំបងបង្កើតតំបន់ទេសចរណ៍ស្រដៀងទៅនឹង Pub Street នៅខេត្តសៀមរាបនឹងក្លាយខេត្តទី ២ នៅកម្ពុជាហើយនឹងជួយទាក់ទាញភ្ញៀវទេសចរណ៍ទៅកម្សាន្តបានកាន់តែច្រើនថែមទៀ តក្រៅពីតំបន់ទេសចរណ៍ផ្សេងៗទៀតពិសេសផ្ទះបុរាណ៕

អត្ថបទ៖ សំអឿន