ព័ត៌មានជាតិ

ត្រឹម២ខែ ឆ្នាំ ២០២២ CDC បានអនុម័តគម្រោងវិនិយោគទំហំទឹកប្រាក់ជាង ២ពាន់លានដុល្លារ

បានផុស

៣ years មុន

នៅ

ថ្ងៃសុក្រ ១៨ មីនា ២០២២

ដោយ

ក្រុមប្រឹក្សាអភិវឌ្ឍន៍កម្ពុជា CDC បានចុះបញ្ជីជូនក្រុមហ៊ុនវិនិយោគជាបន្តបន្ទាប់ ដោយក្នុងនោះ បានចេញវិញ្ញាបនបត្រចុះបញ្ជីជូនក្រុមហ៊ុនវិនិយោគចំនួន ៣៧គម្រោង និងមានទឹកប្រាក់សរុបជាង ២,៣៨ពាន់លានដុល្លារអាមេរិក ត្រឹមតែរយៈពេល២ខែឆ្នាំ២០២២។ ចំពោះគម្រោងវិនិយោគដែលបានអនុម័ត រយៈពេល ២ខែ គឺខែមករា និងខែកុម្ភៈនេះ ភាគច្រើន គឺជាគម្រោងរោងចក្រ ឧស្សាហកម្ម។ ការកើនឡើងចំនួនវិនិយោគលើផ្នែកនេះ ជាហេតុនាំឲ្យតម្រូវការដីធ្លីសម្រាប់សង់រោងចក្រ ឃ្លាំងស្តុកមានកំណើនខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងកាលពីថ្ងៃទី ១៧ ខែមីនា ឆ្នាំ ២០២២ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុន RED MARS GARMENT (CAMBODIA) CO., LTD លើវិស័យរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,៧ លានដុល្លារអាមេរិក និងអាចបង្កើតការងារបានចំនួន ១.៦៤៨កន្លែង៕

អត្ថបទ៖ ទួន សុផល