Connect with us

ព័ត៌មានជាតិ

សម្ដេចតេជោ ៖ យើងត្រូវការបច្ចេកវិទ្យាជាន់ខ្ពស់ ទាន់សម័យហើយ ប៉ុន្តែបើមនុស្សអត់ទាន់សម័យ វាទៅអត់រួចទេ

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ការដែលមានបច្ចេកវិទ្យាខ្ពស់ និងទាន់សម័យ សម្រាប់ប្រព័ន្ធសុខាភិបាលនោះ គឺជារឿងដែលសំខាន់ហើយ តែអ្វីដែលសំខាន់ទៀតនោះ គឺសមត្ថភាពឆ្លើយតបរបស់អ្នកដឹកនាំ ដែលមានភាពប្រាកដប្រជា។

នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវមន្ទីរពេទ្យមិត្តភាពកម្ពុជា-ចិនព្រះកុសុមៈ នាព្រឹកថ្ងៃទី ២១ ខែមីនានេះ សម្ដេចតេជោ ហ៊ុន សែន បានឲ្យដឹងថា កន្លងមកមា​នគេបង្អាប់ខ្មែរថា ប្រព័ន្ធសុខាភិបាលខ្សោយ តែវាមិនមែនជារឿសំខាន់ពេកទេ តែអ្វីដែលកាន់តែសំខាន់នោះ គឺការឆ្លើយតបរបស់មនុស្សយ៉ាងដូចម្ដេច ទៅនឹងសភាពការណ៍។ បើតាមសម្ដេចតេជោ ហ៊ុន សែន «យើងត្រូវការបច្ចេកវិទ្យាជាន់ខ្ពស់ ទាន់សម័យហើយ ប៉ុន្តែបើមនុស្សអត់ទាន់សម័យ វាទៅអត់រួចទេ»។

ជាមួយគ្នានេះ សម្ដេចតេជោនាយករដ្ឋមន្ត្រី ក៏បានកោតសរសើរដល់ក្រុមគ្រូពេទ្យ របស់កម្ពុជាថា បាននិងកំពុងបំពេញការងារយ៉ាងល្អ ជាមួយនឹងការដឹកនាំដែលប្រាកដប្រជា។ សម្ដេចតេជោ បានបន្ថែមថា «បើសិនជាយើង មានតែបច្ចេកវិទ្យាខ្ពស់​ ប៉ុន្តែមនុស្សវាអត់ខ្ពស់ សមត្ថភាពឆ្លើយតបវាមិនត្រូវជាមួយរឿង គឺវានៅតែដដែលហ្នឹង»៕

អត្ថបទ៖ ឃួន សុភ័ក្រ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម