កម្ពុជា រកចំណូលបានពីការនាំចេញកៅស៊ូ ៦១០លានដុល្លារ ឆ្នាំ ២០២១

កម្ពុជា រកថវិកាបានពីការនាំចេញផលិតផលកៅស៊ូប្រមាណ ៦១០លានដុល្លារ ក្នុងឆ្នាំ ២០២១ បើធៀបនឹងឆ្នាំ ២០២០ រកបានតែ ៤៦៨លានដុល្លារប៉ុណ្ណោះ។ នេះបើតាមការបញ្ជាក់របស់លោក វេង សាខុន រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ។

ថ្លែងនៅក្នុងពិធីបិទសន្និបាទបូកសរុបការងារប្រចាំឆ្នាំ២០២១ និងលើកទិសដៅការងារឆ្នាំ២០២២ លោក វេង សាខុន លើកឡើងថា ថវិកាដែលប្រមូលបានខាងលើនេះ លើទំហំកៅស៊ូចំនួន ៣៧ ០០០តោន នៅឆ្នាំ ២០២១ បើធៀបនឹងឆ្នាំ ២០២០ ការនាំចេញបានត្រឹមតែ ៣៤ ០០០តោនប៉ុណ្ណោះ។

ចំណែកចំណូលពីការនាំចេញឈើកៅស៊ូ បានចំនួនជាង ១លាន ៥សែនដុល្លារ បន្ថែមទៀត លើចំណូលកៅស៊ូ។ នេះជាការបន្ថែមរបស់លោករដ្ឋមន្រ្តី៕

អត្ថបទ៖ ទួន សុផល