ព័ត៌មានជាតិ

ពេជ្រ សោភា ហ៊ានប្រកាសដោយមិនខ្មាស យក់ ថិតរដ្ឋា ជាអាយដលរបស់ខ្លួន

បានផុស

៤ years មុន

នៅ

ថ្ងៃចន្ទ ២៦ តុលា ២០២០

ដោយ

តារាចម្រៀងស្រី អ្នកនាងពេជ្រ សោភា ហ៊ានប្រកាសថា អ្នកនាង យក់ ថិតរដ្ឋា ជាអាយដលរបស់ខ្លួន ដោយមិនខ្មាសតាម Facebook Page របស់ខ្លួនផ្ទាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២៥ ខែតុលា ឆ្នាំ២០២០ តារាចម្រៀងស្រីជួរមុខប្រចាំផលិតកម្មហង្សមាស អ្នកនាង ពេជ្រ សោភា បានបង្ហោះរូបមួយសន្លឹកជាមួយតារាចម្រៀងផលិតកម្មផ្សេងគ្នា អ្នកនាង យក់ ថិតរដ្ឋា ដែលជាតារាចម្រៀងប្រចាំផលិតកម្មថោន ដោយភ្ជាប់ជាមួយពាក្យពេចន៍ដ៏ចាក់ដោតដោយអ្នកនាងបានសរសេរថា ” ម្នាក់នឹងហើយជា អាយដល ខ្ញុំ សំឡេងពីរោះមិនប្រែនៅតែពីរោះ” ។ តាមរយៈ សារដែលអ្នកនាង ពេជ្រ សោភា បានបង្ហោះរួមជាមួយរូបភាពបែបស្និទ្ធស្នាលជាមួយអ្នកនាង យក់ ថិតរដ្ឋា មួយនេះ បានធ្វើឲ្យមានការភ្ញាក់ផ្អើលដល់ហ្វេនតារាស្រីទាំងពីរដួង។

នេះក៏មិនជាលើកទីមួយទេ ដែលអ្នកនាង យក់ ថិតរដ្ឋា ត្រូវបានគេស្គាល់ថាជាភរិយារបស់តារាចម្រៀងប្រុស លោក ឃុំ ប៉ុណ្ណាដែត ទទួលបានការសរសើរនិងគោរពពីតារារួមអាជីពដូចជារូបនាងដែរ។ ក្រៅពីអ្នកនាង ពេជ្រ សោភា គឺថាមានតារាជាច្រើនអ្នកទៀត បានកោតសរសើរអ្នកនាងថា ជាតារាដែលមានគ្រួសារសុភមង្គល សំឡេងពីរោះ ជាពិសេសជាតារាស្រី ដែលមិនសូវមានរឿងអាស្រូវ។ ទោះបីជាអ្នកនាងបានដើរក្នុងវិថីសិល្បៈមួយនេះ យូរប៉ុនណា តែអ្នកនាងនៅតែមានហ្វេន និងទស្សនិកជនគាំទ្ររហូតមកមិនមានការថមថយឡើយ៕