ចំណូលពន្ធ​លើប្រាក់​ចំណេញ​ត្រីមាសទី១​ ឆ្នាំនេះ​កើន​ឡើង​ប្រមាណ​ ២០០ ​លានដុល្លារ​

សម្ដេចតេជោ ហ៊ុន សែន​ នាយករដ្ឋមន្ត្រីកម្ពុជា​ មានប្រសាសន៍ថា​ នៅថ្ងៃទី ៣០ ខែមីនា ជាថ្ងៃ​ដែល​ចំណូលផ្ទៃក្នុងកើនឡើងខ្លាំងបំផុតក្នុងរយៈពេល ១ ខែមិនធ្លាប់មាន គឺចំនួន ២៣៦ លាន​ដុល្លារ ខណៈ​រយៈពេល ៣០ ថ្ងៃ នៃខែមីនា មានចំនួន ៦២០ លានដុល្លារ។

ចាប់ពីខែមករា រហូតដល់ដំណាច់ខែ មីនា ដែលជាត្រីមាសទី១ ដើមឆ្នាំនេះ កម្ពុជាមានទលទ្ធភាព​ទទួល​បានចំណូលប្រមាណជាង ១ ២០០ លានដុល្លារ កើនជាង ២ រយលាន ប្រៀបធៀបរយៈពេលដូចគ្នា ឆ្នាំ ២០២១។

នៅឆ្នាំ ២០២១ ក្នុងខែមករា ចំណូលពន្ធលើប្រាក់ចំណេញមាន ២១៧ លានដុល្លារ ខែកុម្ភៈ ២០០ លាន ខែមីនា ចំនួន ៦១៥ លានដុល្លារ។ ចំណែក​នៅដើមឆ្នាំ ២០២២នេះ ចំណូលពន្ធមាន ខែមករា ចំនួន ២៨៨ លាន ខែកុម្ភៈ ២២៣ លាន និងខែមីនា ៦២០ លានដុល្លារ៕