ព័ត៌មានជាតិ
សមត្ថកិច្ចចម្រុះចុះបង្ក្រាបបទល្មើសនេសាទទ្រង់ទ្រាយធំ៦គោលដៅភូមិសាស្ត្រខេត្តកំពង់ឆ្នាំង
អនុវត្តតាមបទបញ្ជារបស់ប្រមុខរាជរដ្ឋាភិបាល លោក ស៊ុន សុវណ្ណារិទ្ធិ គណៈបញ្ជាការឯកភាពរដ្ឋបាលខេត្តកំពង់ឆ្នាំងនៅថ្ងៃទី ៣០ ខែមីនា ឆ្នាំ២០២២ បានចាត់តាំងសមត្ថកិច្ចចម្រុះចំនួន ៦ ក្រុមដឹកនាំដោយ លោក អ៊ិត សុធា ព្រះរាជអាជ្ញាអមសាលាដំបូងខេត្ត និងលោកអភិបាលរងខេត្តទាំង ៥រូប ចុះបង្ក្រាបបទល្មើសនេសាទទ្រង់ទ្រាយធំ ៦ គោលដៅ តាមដងទន្លេ នៅក្នុងភូមិសាស្ត្រខេត្តកំពង់ឆ្នាំងរួមមាន ក្រុងកំពង់ឆ្នាំង ស្រុកកំពង់លែង ស្រុកបរិបូណ៌ ស្រុករលាប្អៀរ ស្រុកជលគិរី និងស្រុកកំពង់ត្រឡាច ដោយប្រើប្រាស់កងកម្លាំងចម្រុះសរុបប្រមាណជាង ៤០០ នាក់។

លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំងនៅល្ងាចថ្ងៃទី ៣០ ខែមីនានេះបានឲ្យដឹងថា នៅថ្ងៃទី ៣០ ក្រុមប្រតិបត្តិការចម្រុះចុះបង្រ្កាបបទល្មើសជលផលគោលដៅក្រុងកំពង់ឆ្នាំង ដឹកនាំដោយលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង លោក ស៊្រន សំឬទ្ធី អភិបាលរងខេត្តកំពង់ឆ្នាំង លោក ងិន ហ៊ុន ប្រធានមន្ទីរកសិកម្ម សហ ការស្ថាប័នពាក់ព័ន្ធរួមមាន៖ កម្លាំងជលផល កម្លាំងស្នងការនគបាលខេត្ត នគរបាលក្រុង កងរាជអាវុធហត្ថខេត្ត ក្រុង អាជ្ញាធរពាក់ព័ន្ធ។

ជាលទ្ធផលសម្រេចបាន៖ រុះរើរបាំងសាច់អួន ០៧ កន្លែង ប្រវែង ៤០០ ម៉ែត្រ លូសាច់អួនចំនួន ០៧ គ្រឿង បង្គោលចំនួន ៥០០ ដើម ត្រីចំរុះ ៥ គីឡូក្រាម រុះរើសម្រាស់ ០៤ កន្លែង ស្មើនឹង ១២០០ ម៉ែត្រ ការ៉េ បង្គោល ចំនួន ៤០ ដើម មែកសម្រាស់ ចំនួន ២០០ មែក។
ដោយឡែកគោលដៅ ៥ ស្រុកផ្សេងទៀតអ្នកយកព័ត៌មានយើងពុំទាន់ទទួលបានរបាយការណ៍នៅឡើយទេនៅល្ងាចថ្ងៃទី ៣០ នេះ គ្រាន់តែដឹងថា កម្លាំងសរុបទាំង៦គោលដៅមានចំនួនជាង ៤០០ នាក់៕


អត្ថបទ៖ ឈៀងថារិទ្ធ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ