ព័ត៌មានជាតិ

មានប័ណ្ណ និម្មិតអេស៊ីលីដា ប្រៀបដូចជាមាន ពិភពលោកស្ថិតក្នុងបាតដៃដែរ

បានផុស

៣ years មុន

នៅ

ថ្ងៃព្រហស្បតិ៍ ៣១ មីនា ២០២២

ដោយ

បច្ចុប្បន្នការប្រើប្រាស់បច្ចេកវិទ្យាតាមប្រព័ន្ធធនាគារក្នុងការបញ្ជាទិញទំនិញ ទូទាត់ថ្លៃទំនិញនិងសេវាកម្មផ្សេងៗកាន់តែមានការផុលផុសជាលំដាប់មិនថានៅក្នុងនិងក្រៅស្រុកនោះទេព្រោះវាផ្តល់នូវសេវាលឿនរហ័សទាន់ចិត្តនិងមានសុវត្ថិភាពខ្ពស់។

ជាក់ស្តែងប័ណ្ណនិម្មិត អេស៊ីលីដា មានអត្ថប្រយោជន៍ជាច្រើនសម្រាប់អ្នកប្រើប្រាស់ដោយអាចប្រើបានគ្រប់ទីកន្លែង ទូទាំងពិភពលោក។ មានប័ណ្ណនេះ លោកអ្នកប្រៀបដូចជាមាន ពិភពលោកស្ថិតក្នុងបាតដៃដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ត្រីជំនាញធនាគារអេស៊ីលីដា បានប្រាប់ឱ្យដឹងថា នៅពេលមានប័ណ្ណនេះក្នុងដៃ លោកអ្នកអាចបញ្ជាទិញទំនិញ និងសេវាកម្មផ្សេងៗបានយ៉ាងងាយស្រួលនៅគ្រប់ទីកន្លែង នៅទូទាំងពិភពលោកដូចជា អាចផ្សព្វផ្សាយ (Boost) Facebook ឬបណ្តាញសង្គមផ្សេងៗតាមអ៊ីខុមមើស ឬអ៊ីនធើណេត អាចកក់សំបុត្រយន្តហោះ ឬសណ្ឋាគារតាមអនឡាញ ចំណេញពេលវេលា កាត់បន្ថយការចំណាយ ងាយស្រួលគ្រប់គ្រងនិងមានសុវត្ថិភាពពិសេសកាត់បន្ថយហានិភ័យផ្សេងៗទាក់ទងនឹងការប្រើប្រាស់សាច់ប្រាក់ទៀតផង។

មន្ត្រីដដែលបានបន្តថា ប័ណ្ណនិម្មិត ជាប្រភេទប័ណ្ណវីសា ដែលបង្កើតភ្លាមៗតាមម៉ាស៊ីនអេធីអឹម របស់ធនាគារ អេស៊ីលីដា ឬតាមអេស៊ីលីដាម៉ូបាល សម្រាប់ទិញទំនិញ-សេវាកម្មផ្សេងៗតាមអ៊ីខុមមើស ឬអ៊ីនធើណែត (តាមអនឡាញ ទាំងក្នុង និងក្រៅប្រទេស)។

ប្រសិនបើលោកអ្នកនៅមិនទាន់មានប័ណ្ណនិម្មិតវីសានេះលោកអ្នក អាចបង្កើតដោយខ្លួនឯងពីប័ណ្ណអេស៊ីលីដាគ្រប់ប្រភេទ តាមម៉ាស៊ីនអេធីអឹម របស់ធនាគារ អេស៊ីលីដា គ្រប់ទីកន្លែងដោយឥតគិតថ្លៃ ដោយគណនីធនាគារដើមមួយ អាចបង្កើតប័ណ្ណនិម្មិតបាន ១០ប័ណ្ណ ហើយចំនួនទឹកប្រាក់អតិបរមាក្នុងមួយប័ណ្ណមាន៥០០ដុល្លារហើយ ប័ណ្ណមួយអាចទូទាត់ទំនិញ-សេវាកម្មផ្សេងៗតាមអនឡាញ បានចំនួន ៥ដង ក្នុងមួយថ្ងៃ។ ក្នុងប័ណ្ណនិម្មិត មានលេខ១៦ខ្ទង់, ខែឆ្នាំផុតកំណត់, លេខកូដ៣ខ្ទង់ (CVV2), និងចំនួនទឹកប្រាក់ ដែលលោកអ្នកបានបង្កើត។ ប័ណ្ណនិម្មិត មានសុពលភាពប្រើប្រាស់រយៈពេល ៩០ថ្ងៃ ចាប់ពីថ្ងៃបង្កើត និងជាប្រាក់ដុល្លារអាមេរិក។ ក្នុងករណីអតិថិជនទូទាត់ជាប្រាក់ផ្សេង នោះប្រព័ន្ធនឹងប្តូរប្រាក់ដោយស្វ័យប្រវត្តិ។

លើសពីនេះទៀតប័ណ្ណនិម្មិត របស់ធនាគារ អេស៊ីលីដា បានបន្ថែមមុខងារសុវត្ថិភាពថែមមួយកម្រិតទៀតជូនអតិថិជន ដូច្នេះរាល់ពេលទូទាត់ទំនិញ-សេវាកម្មផ្សេងៗ តាមអនឡាញ (ទាំងក្នុង និងក្រៅប្រទេស) ជាមួយប័ណ្ណនិម្មិត របស់ធនាគារ អេស៊ីលីដា គឺប្រព័ន្ធតម្រូវបញ្ចូលលេខ OTP ដែលបានផ្ញើសារ (SMS) ចូលទូរស័ព្ទរបស់លោកអ្នក។

គួរបញ្ជាក់ថា ដើម្បីបញ្ឈប់ការប្រើប្រាស់ប័ណ្ណនេះ អតិថិជនគ្រាន់តែហែក ឬកម្ទេចប័ណ្ណនេះចោល ដើម្បីកុំឱ្យអ្នកផ្សេងយកទៅប្រើប្រាស់បាន ជាការស្រេច ហើយក្នុងករណីបាត់ប័ណ្ណនិម្មិតនេះ អតិថិជនត្រូវជូនដំណឹងមកធនាគារអេស៊ីលីដាដើម្បីបង្ខាំងឱ្យទាន់ពេលវេលា៕

Related Topics:ធនាគារអេស៊ីលីដា