ព័ត៌មានជាតិ

ជនសង្ស័យម្នាក់ធ្វើសកម្មភាពលួចឆ្លងខេត្ត ត្រូវកម្លាំងនគរបាលជំនាញការិយាល័យព្រហ្មទណ្ឌកំរិតស្រាលបង្ក្រាប

បានផុស

៤ years មុន

នៅ

ថ្ងៃអង្គារ ១៥ ធ្នូ ២០២០

ដោយ

បន្ទាយមានជ័យ ៖ ជនសង្ស័យម្នាក់លួចខេត្តខ្លួនមិនអស់ចិត្តមកធ្វើសកម្មភាពលួចឆ្លងខេត្តផ្សេងត្រូវបានកម្លាំងនគរបាលជំនាញការិយាល័យព្រហ្មទណ្ឌកំរិតស្រាលបង្ក្រាបបាននៅព្រឹក ថ្ងៃទី១៥ខែធ្នូ ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ព្រហ្ម ប៊ុនធឿន នាយការិយាល័យ នគរបាលព្រហ្មទណ្ឌកំរិតស្រាល បានឲ្យដឹងថា ជនសង្ស័យឈ្មោះ ជា វណ្ណា ភេទប្រុស អាយុ៤៥ឆ្នាំ មានទីលំនៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។ លោកវរសេនីយ៍ទោ ព្រហ្ម ប៊ុនធឿនបានឲ្យដឹងបន្តទៀតថា ជនសង្ស័យធ្លាប់ធ្វើសកម្មភាពលួចយ៉ាងសកម្មក្នុងភូមិសាស្ត្រ ខេត្តបាត់ដំបង មកខេត្តបន្ទាយមានជ័យ ក្រុងសិរីសោភ័ណ អស់លក្ខណ៍ត្រូវបានកម្លាំងនគរបាលជំនាញការិយាល័យ ព្រហ្មទណ្ឌ កំរិតស្រាលនៃស្នងការដ្ឋាននគរបាលខេត្តបន្ទាយមានជ័យក្រោយពីធ្វើសកម្មភាពរួចជនសង្ស័យបានជិះម៉ូតូរត់គេចខ្លួនបាន១ដង្ហើមចង្រិតត្រូវបានកម្លាំងសមត្ថកិច្ចនគរបាលជំនាញការិយាល័យព្រហ្មទណ្ឌកម្រិតស្រាល ចាប់ឃាត់ខ្លួននៅចំណុចវេទិកាខេត្ត តាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ត្រីនូ ជីវ័ន្ត ស្នងការរង ទទួលការងារនគរបាលព្រហ្មទណ្ឌ ដើម្បីនាំខ្លួនមកសាកសួរ។

នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានលួចកាបូបលុយ នៅភូមិអូរអំបិល ក្នុងនោះមានលុយខ្មែរ ៧.៥០០រៀល ខ្សែកចំនួន២ខ្សែ ខ្សែជើង១គូ កូនសោរ១ចង្កោមកាតអេធីអ៊ឹម១សៀវភៅធនាគារ១ក្រិលកំប៉ុងរង្វាន់ជាង២០និងលុយដុល្លាសម្រាប់សែន១ដុំ តែជាគ្រឿងកាឡៃទាំងអស់។ ក្រោយពីសួរចម្លើយរួចកម្លាំងនគរបាលព្រហ្មទណ្ឌកំរិតស្រាល បានរៀបចំសំណុំរឿងបញ្ជូនខ្លួនឈ្មោះជា វណ្ណា ទៅសាលាដំបូងខេត្តចាត់ការតាមនីតិវិធីច្បាប់៕
ដោយ ៖ វ៉ាន់ ណាង