ព័ត៌មានជាតិ

លោកទេសរដ្ឋមន្រ្តី លី ធុជ នាំយកអំណោយសប្បុរសធម៌របស់ប្រជាពលរដ្ឋខ្មែររស់នៅអូស្រ្តាលី ចែកជូនគ្រួសារខ្វះខាតនៅក្រុងបាវិត

បានផុស

៣ years មុន

នៅ

ថ្ងៃពុធ ៦ មេសា ២០២២

ដោយ

នៅព្រឹកថ្ងៃទី០៦ ខែមេសា ឆ្នាំ២០២២ លោកទេសរដ្ឋមន្រ្តី លី ធុជ ប្រធានក្រុមការងាររាជរដ្ឋាភិបាលចុះមូលដ្ឋានក្រុងបាវិត បានដឹកនាំក្រុមការងារចុះមូលដ្ឋានសង្កាត់ច្រកម្ទេស ក្រុងបាវិត ចែកអំណោយរបស់សប្បុរសធម៌របស់ប្រជាពលរដ្ឋខ្មែររស់នៅប្រទេសអូស្រ្តាលី ជូនដល់គ្រួសារមានជីវភាពខ្វះខាត និងចាស់ជរាចំនួន ៥ភូមិ ស្មើនឹង ៦០គ្រួសារ ស្ថិតក្នុងសង្កាត់ច្រកម្ទេស ក្រុងបាវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយសប្បុរសធម៌នេះ បានមកពីសមាគមន៍ AUSTRALASIAN BUSINESS ASSOCIATION ដែលមានលោក សារ៉ា ណារី ជាប្រធានសមាគមន៍ និងលោក SITH-TEE TAN ជាអនុប្រធានសមាគមន៍ និងលោកស្រី ទីង បូរមី ជាលេខា ហើយក៏ជាអនុប្រធាន និងសមាជិកក្រុមការងារគណបក្សប្រជាជនកម្ពុជាប្រចាំនៅទីក្រុងម៉ែលប៊ន ប្រទេសអូស្រ្តាលី។

ពិធីនេះ ក៏មានការចូលរួមពីលោក ស៊ុយ ជីហ៊ាង ប្រធានក្រុមការងារចុះមូលដ្ឋានសង្កាត់ច្រកម្ទេស ក្រុមការងារចុះជួយសង្កាត់ រដ្ឋបាលក្រុងបាវិត រដ្ឋបាលសង្កាត់ និងមេភូមិ។

ក្នុងនាមប្រជាពលរដ្ឋក្រុងបាវិត លោកទេសរដ្ឋមន្រ្តី បានថ្លែងអំណរគុណ យ៉ាងជ្រាលជ្រៅ ជូន ចំពោះ សមាគមន៍ AUSTRALASIAN BUSINESS ASSOCIATION ក៏ដូចជាបងប្អូនប្រជាពលរដ្ឋ ខ្មែរដែលកំពុងរស់នៅប្រទេសអូស្រ្តាលី បានយកចិត្តទុកដាក់ និងផ្តល់នូវសន្តានចិត្តសប្បុរសជួយសម្រាលជីវភាពរស់នៅរបស់ជនជាតិខ្មែរដូចគ្នា ដែលកំពុងមានជីវភាពខ្វះខាត៕