ព័ត៌មានជាតិ

សម្ដេចក្រឡាហោម ស ខេង ហាមសមត្ថកិច្ចប្រើអំពើហិង្សាលើជនបរទេស

បានផុស

៣ years មុន

នៅ

ថ្ងៃព្រហស្បតិ៍ ៧ មេសា ២០២២

ដោយ

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានធ្វើការណែនាំដល់សមត្ថកិច្ចពាក់ព័ន្ធមិនត្រូវប្រើអំពើហិង្សាដល់ជនបរទេសឡើយ ដើម្បីឱ្យពួកគាត់កៀរគរជនបរទេសផ្សេងៗទៀត មកបណ្ដាក់ទុនវិនិយោគនៅកម្ពុជាកាន់តែច្រើនថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២១ និងលើកទិសដៅការងារឆ្នាំ ២០២២ របស់អគ្គនាយកដ្ឋានអន្តោប្រវេសន៍កាលពីរសៀលថ្ងៃទី ៦ ខែមេសា សម្ដេចក្រឡាហោម ស ខេង មានប្រសាសន៍បន្តថា ការគ្រប់គ្រងជនបរទេសចូលមកកម្ពុជា គឺជាការងារធានាសន្ដិសុខជាតិ និងសណ្ដាប់ធ្នាប់សាធារណៈ។ សម្ដេចក្រឡាហោម បានបន្តទៀតថា «យើងក៏ធានាដល់ការលើកទឹកចិត្តសម្រាប់ការជំរុញ ការអភិវឌ្ឍសេដ្ឋកិច្ច- សង្គមជាតិ ផងដែរ។ គឺខិតខំលើកទឹកចិត្តដល់អន្តោប្រវេសន៍គ្រប់ផ្នែកដែលរស់នៅប្រទេសកម្ពុជា ជាពិសេស អន្តោប្រវេសន៍ស្របច្បាប់ ធ្វើយ៉ាងម៉េច? ឱ្យគេរស់នៅប្រកបដោយសុខស្រួល គ្មានការគំរាមកំហែង គ្មានអំពើហិង្សា គ្មានការឆបោក លួច ឆក់ ប្លន់ ជាដើម ដើម្បីលើកទឹកចិត្តឱ្យគេកៀរគរជនបរទេសផ្សេងៗទៀត ឬអ្នកវិនិយោគិនផ្សេងទៀតពីបរទេសមកបណ្ដាក់ទុននៅកម្ពុជា កាន់តែច្រើន»។

លើសពីនេះ សម្ដេចក្រឡាហោម ស ខេង ក៏បានអំពាវនាវដល់សមត្ថកិច្ចគ្រប់លំដាប់ថ្នាក់ ត្រូវគ្រប់គ្រងសណ្ដាប់ធ្នាប់សាធារណៈ ពិសេស ពង្រឹងការការពារជនបរទេស ហើយប្រឆាំងដាច់ខាតចំពោះបទល្មើសឆ្លងដែនគ្រប់ប្រភេទ ជាពិសេស តាមច្រកព្រំដែន ផងដែរ៕

អត្ថបទ៖ សំអឿន

Related Topics:សម្ដេចក្រឡាហោម ស ខេង