ព័ត៌មានជាតិ
លោក កើត រិទ្ធ ៖ វិស័យយុត្តិធម៌កម្ពុជានាពេលបច្ចុប្បន្ន គឺមានការរីកចំរើនខ្លាំង
រដ្ឋមន្ត្រីក្រសួងយុត្តិធម៌ បានលើកឡើងថា នាពេលបច្ចុប្បន្នវិស័យយុត្តិធម៌កម្ពុជា មានការរីកចំរើនខ្លាំងបើប្រៀបធៀបនឹងរយៈពេល ៣០ ឆ្នាំមុន ដែលនេះ គឺកើតចេញពីសុខសន្តិភាពពេញលេញនៅកម្ពុជា។
ការលើកឡើងរបស់លោក កើត រិទ្ធ រដ្ឋមន្ត្រីក្រសួងយុត្តិធម៌ បានធ្វើឡើងគ្រាដែលលោកអនុញ្ញាតឲ្យលោក តាំង ស៊ុនឡាយ ប្រធានសាលាដំបូងរាជធានីភ្នំពេញ និងលោក ច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ ព្រមទាំងសហការីនៃសាលាដំបូង និងអយ្យការអមសាលាដំបូងរាជធានីភ្នំពេញ ចូលជួបសំណេះសំណាល និងសម្តែងការគួរសម នៅទីស្តីការក្រសួងយុត្តិធម៌ នាថ្ងៃទី ៧ ខែមេសា ឆ្នាំ ២០២២នេះ។
លោក កើត រិទ្ធ បានលើកឡើងអំពីសមិទ្ធផល និងការចំរើននានាក្នុងវិស័យយុត្តិធម៌រយៈពេលជិត ៣០ ឆ្នាំមកនេះ បន្ទាប់ពីកម្ពុជាងើបចេញពីភ្នក់ភ្លើងសង្គ្រាម និងទទួលបានសុខសន្តិភាពពេញលេញ។ ជាមួយគ្នានេះលោករដ្ឋមន្ត្រី បានលើកឡើងថា វិស័យយុត្តិធម៌កម្ពុជានាពេលបច្ចុប្បន្ន គឺមានការរីកចំរើនខ្លាំង បើប្រៀបធៀបនឹងរយៈពេល ៣០ ឆ្នាំមុន ដែលនេះគឺកើតចេញពីសុខសន្តិភាពពេញលេញ ដែលកម្ពុជាទទួលបាន រួមជាមួយនឹងការខិតខំប្រឹងប្រែង ថែរក្សាសុខសន្តិភាពបន្ត របស់តួអង្គពាក់ព័ន្ធនានា ហើយក្នុងនោះអង្គចៅក្រម និងមន្រ្តីតុលាការផ្សេងទៀត ក៏ជាតួអង្គមួយដ៏សំខាន់ក្នុងការថែរក្សាសុខសន្តិភាពផងដែរ។
លើសពីនេះទៀត លោករដ្ឋមន្ត្រីក្រសួងយុត្តិធម៌ ក៏បានលើកទឹកចិត្តឲ្យចៅក្រម ព្រះរាជអាជ្ញា រួមទាំងតួអង្គពាក់ព័ន្ធផ្សេងទៀត ដែលធ្វើការក្នុងវិស័យយុត្តិធម៌ ត្រូវបន្តខិតខំបំពេញការងាររបស់ខ្លួនប្រកបដោយស្មារតីទទួលខុសត្រូវខ្ពស់ និងគោរពតាមច្បាប់ ដើម្បីឲ្យស្របតាមទិសដៅ នៃការកែទម្រង់ច្បាប់ និងប្រព័ន្ធយុត្តិធម៌របស់កម្ពុជា ដែលមានដូចជា៖ ការពង្រឹងគុណភាពនៃការផ្តល់សេវាយុត្តិធម៌,ការគោរពក្រមសីលធម៌វិជ្ជាជីវៈ, និងការពង្រឹងគុណភាពនៃការកាត់ក្តីជាដើម៕







-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២៣ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ