ព័ត៌មានជាតិ

លោកជំទាវ ម៉ែន សំអន អុជធូបបួងសួងសុំសេចក្តីសុខ សេចក្តីចម្រើនជូនប្រជាពលរដ្ឋទូទាំងប្រទេសកម្ពុជា

បានផុស

៣ years មុន

នៅ

ថ្ងៃសុក្រ ១៥ មេសា ២០២២

ដោយ

លោកជំទាវ កិត្តិសង្គហបណ្ឌិត ម៉ែន សំអន បានធ្វើពិធីអុជធូបបួងសួងសុំសេចក្តីសុខ សេចក្តីចម្រើនជូនប្រជាពលរដ្ឋទូទាំងប្រទេសកម្ពុជា។ លោកជំទាវ បានប្រារព្ធពិធីនេះ នៅព្រឹកថ្ងៃសុក្រ ទី ១៥ ខែមេសា ឆ្នាំ២ ០២២ ដែលជាថ្ងៃទី២ នៃពិធីបុណ្យចូលឆ្នាំថ្មីប្រពៃណីខ្មែរ ដែលមានការអញ្ជើញចូលរួមលោកស្រីអ៊ូ ធីតាពៅ គួច ចំរើន ព្រមទាំងមន្ត្រីរាជការក្រោមឱវាទនៃខេត្តព្រះសីហនុ ជាច្រើនរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានបួងសួងថ្វាយព្រះពរជ័យព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ ប្រគេនពរដល់ព្រះសង្ឃគ្រប់ព្រះអង្គ និង ជូនពរសម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ថ្នាក់ដឹកនាំ សមាជិក សមាជិកា ព្រឹទ្ធសភា រដ្ឋសភា មន្ត្រីរាជការ ព្រមទាំងប្រជាពលរដ្ឋ នៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នា ជាពិសេស ទទួលបាននូវភាពសម្បូរសប្បាយ ទទួលបាននូវការវិនិយោគលើគ្រប់វិស័យ សម្បូរភ្ញៀវទេសចរណ៍ ប្រទេសជាតិជៀសផុតពីគ្រោះរាំងស្ងួត ជំងឺកាចសាហាវ និងគ្រោះធម្មជាតិផ្សេងៗ៕