ព័ត៌មានជាតិ
សម្តេចតេជោ ហ៊ុន សែន៖ រូបសំណាកព្រះថោងនាងនាគ បានផ្សាភ្ជាប់យ៉ាងជ្រៅជាមួយនឹងពិធីអាពាហ៍ពិពាហ៍របស់ខ្មែរ
មានប្រសាសន៍នៅក្នុងពិធីអភិសេករូបសំណាកព្រះថោង-នាងនាគ នាព្រឹកថ្ងៃសៅរ៍ ទី ១៦ ខែមេសា ឆ្នាំ ២០២២ នេះ ដែលជាថ្ងៃទី៣ នៃពិធីបុណ្យចូលឆ្នាំខ្មែរ ហើយជាថ្ងៃវារៈឡើងស័កផងនោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាកចក្រកម្ពុជាបានលើកឡើងថា រូបសំណាកព្រះថោងនាងនាគ ឬរូបបដិមាព្រះថោងនាងនាគ ឬព្រះបរមរូបព្រះថោងនាងនាគ ពិតមែនតែប្រវត្តិសាស្ត្របានបកស្រាយពីនេះពីនោះ ប៉ុន្តែយ៉ាងហោចណាស់ អ្វីដែលបានកើតឡើងពីអតីតកាល ក្នុងពេលនេះ និងទៅអនាគត គឺបានផ្សាភ្ជាប់យ៉ាងជ្រៅជាមួយនឹងអាពាហ៍ពិពាហ៍របស់ខ្មែរយើង។
សម្ដេចតេជោនាយករដ្ឋមន្ត្រីបានបញ្ជាក់ទៀតថា យើងត្រូវក្រឡេកមើលឲ្យច្បាស់នៅពេលរៀបអាពាហ៍ពិពាហ៍ យ៉ាងហោចណាស់មានចំណុចមួយចំនួន ដែលទាញយកពីរឿងទាក់ទិននឹងព្រះថោងនាងនាគ គឺបុរសតែងចូលដណ្ដឹងស្ត្រី។ បើទោះបីជារូបភាពបានបង្ហាញ ពីពេលមុនថា បុរសបានចូលទៅដណ្ដឹងស្ត្រី ដោយសារតែការលើកភ្នំប្រុសភ្នំស្រីក៏ដោយ ប៉ុន្តែអត្ថន័យពិតប្រាកដ ដែលបានផ្សារភ្ជាប់និងរឿងព្រេងខ្មែរ ឬអាពាហ៍ពិពាហ៍របស់ខ្មែរយើង គឺនៅត្រង់បុរសចូលទៅដណ្ដឹងស្ត្រី ហើយតាមប្រវត្តិក៏បញ្ជាក់ច្បាស់នៅក្នុងអាពាហ៍ពិពាហ៍របស់យើង គឺនៅក្រោយពីបុរសចូលទៅដណ្ដឹងស្ត្រី ក៏មានពិធីអាពាហ៍ពិពាហ៍ ហើយមុនពេលឡើងផ្ទឹម គឺខាងស្ត្រីទៅដឹកដៃខាងបុរសចូលមកដើម្បីផ្ទឹម ហើយបន្ទាប់ពីបញ្ចប់រួចរាល់ហើយនោះគឺបុរសតែងតាំងស្បៃខាងស្រី ដែលហៅថា ព្រះថោងនាងនាគ។
បើតាមសម្ដេចតេជោ ហ៊ុន សែន កន្លងមកសម្ដេចក៏បានធ្លាប់បានកែសម្រួលទាក់ទងទៅនឹងការកាន់ដាវនេះដែរ ដែលម្តងកាន់ដាវដៃឆ្វេង ម្តងកាន់ដាវដៃស្ដាំ ពេលខ្លះអត់ដាវ ពេលខ្លះមានដាវ ឬកាន់ដាវមិនសមរម្យជាដើម សម្ដេចបានកែសម្រួលលើបញ្ហានេះរួចហើយ។
ដោយឡែកចំណុចមួយទៀត ដែលសំខាន់ផងដែរចំពោះការរៀបអាពាហ៍ពិពាហ៍ គឺពិធីបុកល័ក្ខ ដែលពិធីនេះអាចារ្យគុណបានពន្យល់ ពិធីបុកល័ក្ខ គឺដើម្បីបន្សាបពិសទាំងឡាយរបស់នាងនាគតែម្ដង ដោយការបុកល័ក្ខនេះ មិនបានយកទៅលាងធ្មេញរបស់បុរសទេ គឺយកទៅលាងធ្មេញខាងស្ត្រី ដែលតំណាងឲ្យការបន្សាបពិសនាងនាគ។
បើតាមសម្ដេចតេជោ ការកើតឡើងនូវរូបសំណាកផ្សេងៗនៅក្នុងខេត្តព្រះសីហនុ គឺជានិមិត្តរូបនៃការកកើតទឹកដីក៏ដូចជាការកកើតនៅខេត្តព្រះសីហនុរបស់យើងនេះ ប៉ុន្តែបានក្លាយទៅជាផលិតផល នៃវិស័យទេសចរណ៍ដ៏ទាក់ទាញផងដែរ៕
អត្ថបទ៖ កោះកែវ
ឧត្តមសេនីយ៍ឯក ហែម សុវត្ថិ អញ្ជើញបូកសរុបវាយតម្លៃសភាពការណ៍ និងលទ្ធផលកិច្ចប្រតិបត្តិការរបស់ស្នងការខេត្តកំពង់ធំក្នុងឆ្នាំ២០២៤ និងដាក់ទិសដៅការងារឆ្នាំ២០២៥
រដ្ឋមន្ត្រី៖ សន្និសីទសេដ្ឋកិច្ចការងារថ្នាក់ជាតិ ឆ្នាំ២០២៤ នឹងផ្តល់ធាតុចូលសំខាន់ ខណៈកម្ពុជាត្រៀមចាកចេញពីក្រុមប្រទេសមានការអភិវឌ្ឍតិចតួចក្នុងឆ្នាំ២០២៩
វិទ្យាស្ថាន NPIC ផ្ដល់ជំនាញខាងអគ្គិសនីស្របតាមស្ដង់ដារអន្តរជាតិ ដើម្បីឆ្លើយតបតាមតម្រូវការទីការងារលើសកលលោក
កម្ពុជា ចាញ់ សិង្ហបុរី ធ្វើឲ្យក្តីសង្ឃឹមតិចឡើងវគ្គ៤ក្រុមចុងក្រោយ
អ្នកជំនាញ ស្នើឱ្យអ្នកវិភាគឈរលើវិទ្យាសាស្ត្រជាជាងវិភាគបែបស៊ីអារម្មណ៍ គ្មានមូលដ្ឋានច្បាស់លាស់
គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
អ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
ផ្ទុះការវែកញែក! ក្រោយនារីម្នាក់ទម្លាយថា តារាចម្រៀងល្បីមួយរូប ចម្លងជំងឺឱ្យ ខណៈមានការស្នើឱ្យម្ខាងទៀតចេញមុខបកស្រាយ
ជនរងគ្រោះក្នុងករណីបាក់ច្រាំងទន្លេសង្កត់ទូកនៅស្រុកខ្សាច់កណ្ដាល នៅមិនទាន់រកឃើញនៅឡើយ
បាក់ច្រាំងទន្លេសង្កត់ទូកដឹកខ្សាច់ បណ្តាលឱ្យបាត់មនុស្សម្នាក់
-
វប្បធម៌ ជំនឿ៦ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៦ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ៧ ថ្ងៃ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ១១ ម៉ោង agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៣ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៤ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍២ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់
-
ព័ត៌មានអន្ដរជាតិ១ ថ្ងៃ ago១១ខែ វៀតណាម រញ្ជួយដី ៤៥៨លើក