ព័ត៌មានជាតិ

ខ្យល់កន្ត្រាក់ បំផ្លាញលំនៅឋានប្រជាពលរដ្ឋ អស់ ៨២ ខ្នង នៅស្រុកស្វាយចេក

បានផុស

៣ years មុន

នៅ

ថ្ងៃចន្ទ ១៨ មេសា ២០២២

ដោយ

លំនៅឋានរបស់ប្រជាពលរដ្ឋ រងការខូចខាតធ្ងន់ស្រាលសរុប ៨២ ខ្នង នៅស្រុកស្វាយចេក ខេត្តបន្ទាយមានជ័យ ត្រូវភ្លៀងលាយឡំជាមួយខ្យល់កន្ត្រាក់បក់បោកបើងដំបូល និងដួលរលំ នៅវេលាម៉ោង ០២ និង ៣០ នាទី កាលពីរសៀលថ្ងៃទី ១៧ ខែមេសា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរងការខូចខាតនៅថ្ងៃទី ១៨ ខែមេសា ឆ្នាំ ២០២២ នេះ កម្លាំងនគរបាលសហការជាមួយអាជ្ញាធរមូលដ្ឋាន បានចុះជួយរុះរើរៀបចំជួសជុលឡើងវិញ។ លោកវរសេនីយ៍ឯក ជា ស្លូញ អធិការនគរបាល ស្រុកស្វាយចេក បានឲ្យដឹងថា នៅមុនពេលកើតហេតុមានភ្លៀងធ្លាក់លាយឡំជាមួយខ្យល់កន្ត្រាក បានបក់បោកយ៉ាងខ្លាំង បង្កឲ្យផ្ទះប្រជាពលរដ្ឋរងការខូចខាតធ្ងន់ស្រាលចំនួន ០៤ ឃុំ លើ ០៨ ឃុំ ក្នុងនោះមាន៖១. ឃុំ តាផូ របើកដំបូលផ្ទះ០ ៣ ខ្នងខូចខាតស័ង្កសី ៦៩ សន្លឹក,២. ឃុំ សារង្គ របើកដំបូលផ្ទះ ០៣ ខ្នងស័ង្កសីចំនួន ៧៥ សន្លឹក,៣. ឃុំទ្រាស របើករបើកដំបូលចំនួន ៧៤ ខ្នងខូចខាតស័ង្កសីអស់ ៨០៧ សន្លឹក,៤. ឃុំរលួសរបើកដំបូលផ្ទះចំនួន ០២ ខ្នងខូចខាតស័ង្កសីអស់ ២៧ សន្លឹក សរុបទាំង ០៤ ឃុំ ខូចខាតផ្ទះប្រជាពលចំនួន ៨២ ខ្នង អស់ស័ង្កសីចំនួន ៩៧៨ សន្លឹក ក្នុងនោះធ្ងន់ចំនួន ០២ ខ្នង និងគ្មានអ្នករងគ្រោះថ្នាក់នោះឡើយ។

ក្រៅពីការចុះជួយរបស់សមត្ថកិច្ច និងអាជ្ញាធរស្រុកនៅរសៀលថ្ងៃទី ១៨ ខែមេសា ឆ្នាំ ២០២២ នេះ ដែរ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ក៏បានចុះសួរសុខទុក្ខប្រជាពលរដ្ឋ ដែលរងការខូចខាតផ្ទះសំបែងដោយខ្យល់កន្ត្រាក់ខាងលើផងដែរ៕