ព័ត៌មានជាតិ
ស្ថានទូតសហរដ្ឋអាមេរិកប្រចាំកម្ពុជា អញ្ជើញតំណាងគណបក្ស៦ ចូលជួបពិភាក្សា
កាលពីថ្ងៃទី១៥ ខែធ្នូ ឆ្នាំ២០២០ ឯកអគ្គរដ្ឋទូតអាមេរិកប្រចាំកម្ពុជា លោក Patrick Murphy បានអញ្ជើញ តំណាងគណបក្សចំនួន៦ ឲ្យចូលជូបនៅនិវេសនដ្ឋានស្ថិតនៅផ្លូវព្រះនរោត្តម សង្កាត់ចតុមុខ ខណ្ឌដូនពេញ រាជធានីភ្នំពេញ ដើម្បីពិភាក្សាលើបញ្ហាមួយចំនួន។
តំណាងគណបក្ស ដែលបានចូលជួប រួមមាន ទី១. លោក សុខ សុវណ្ណវឌ្ឍនា សាប៊ុង ប្រធានគណបក្សខ្មែរក្រោក ទី២. លោក យ៉េង វីរៈ ប្រធានគណបក្សប្រជាធិបនតេយ្យមូលដ្ឋាន ទី៣. លោក ម៉ម សូណង់ដូ ប្រធានគណបក្សសំបុកឃ្មុំ សង្គមប្រជាធិបតេយ្យ ទី៤. លោក មុត ចន្ថា តំណាងអតីតគណបក្សសង្គ្រោះជាតិ ទី៥. លោក អ៊ី ស៊ាងឡេង អនុប្រធានគណបក្សសម្ព័ន្ធដើម្បីប្រជាធិបតេយ្យ LDP និងទី៦. លោក ញាណ រ៉ាឌីណ តំណាងគណបក្សហ៊្វុនស៊ិនប៉ិច ។
លោក យ៉េង វីរៈ ប្រធានគណបក្សប្រជាធិបតេយ្យមូលដ្ឋាន បាននិយាយថា កិច្ចប្រជុំជាមួយលោក Patrick Murphy នោះ ផ្ដោតសំខាន់ ទៅលើការកសាងប្រជាធិបតេយ្យសេរីពហុបក្សនៅកម្ពុជា។
ចំណែកលោក មុត ចន្ថា បានអះអាងប្រាប់កម្ពុជាថ្មី នៅព្រឹកថ្ងៃទី១៦ ខែធ្នូ នេះថា កិច្ចប្រជុំនេះ ជាកិច្ចប្រជុំ ទាក់ទងទិវាសិទ្ធិមនុស្ស១០ ធ្នូ ដែលគ្រោងធ្វើឡើងកាលពី ថ្ងៃទី១០ ខែធ្នូ ប៉ុន្តែដោយសារការរីករាលដាល នៃជំងឺកូវីដ-១៩ ទើបកិច្ចប្រជុំ ឬជំនួបនេះ ត្រូវបានលើកពេល។
លោកបញ្ជាក់ថា “តាមពិតស្ថានទូត បានគ្រោងរៀបចំកិច្ចពិភាក្សានេះ នៅថ្ងៃទី១០ ធ្នូ ដើម្បីអបអរសាទរទិវាសិទ្ធិមនុស្ស ប៉ុន្តែដោយសារការផ្ទុះ ការឆ្លងកូវីដ-១៩ ថ្ងៃទី ២៨ វិច្ឆិកា ក៏បានលើកពេលមកថ្ងៃម្សិលមិញវិញ ហើយខ្លឹមសារ គឺផ្តោតលើលទ្ធិប្រជាធិបតេយ្យ និងសិទ្ធិមនុស្ស នៃខួប៧២ឆ្នាំ នៃការអនុម័តសេចក្ដីប្រកាសជាសកល ស្តីពីសិទ្ធិមនុស្ស”៕
អត្ថបទ ៖ កោះកែវ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)