រូបភាពក្តៅៗ អ្នកជា​សះស្បើយ​កូវីដ ៧ នាក់ វិល​ត្រឡប់ទៅផ្ទះវិញ

អ្នកជំងឺកូវីដ-១៩ ចំនួន៧នាក់ ដែលបានសម្រាកព្យាបាលអស់រយៈពេលជាច្រើនថ្ងៃ នៅក្នុងមន្ទីរពេទ្យមិត្តភាពខ្មែរ-សូវៀត ត្រូវបានអនុញ្ញាតឲ្យវិលត្រឡប់ទៅផ្ទះវិញ បន្ទាប់ពីពួកគាត់ បានជាសះស្បើយពីជំងឺកាចសាហាវនេះ។

មន្ទីរពេទ្យមិត្តភាពខ្មែរ-សូវៀត បានឲ្យុដឹងថា អ្នកជំងឺ Covid-19 ចំនួន ០៧ នាក់ បានជាសះស្បើយ (អ្នកពាក់ព័ន្ធនឹងព្រឹត្តិការណ៍សហគមន៍ ២៨ វិច្ឆិកា ចំនួន ០៥ នាក់ និងអ្នកដំណើចូលមកកម្ពុជាចំនួន ២ នាក់) ដែលបានមកព្យាបាលក្នុងមន្ទីរពេទ្យមិត្តភាពខ្មែរ-សូវៀត ត្រូវបានអនុញ្ញាតឲ្យចេញពីមន្ទីរពេទ្យ នាព្រឹកថ្ងៃទី១៦ ខែធ្នូ ឆ្នាំ២០២០ ៕