ព័ត៌មានជាតិ
បុរសម្នាក់ រងរបួសធ្ងន់ ក្រោយរថយន្តស្ទូចបុកនៅលើផ្លូវកែងអក្សរតេ ភូមិតាងៅ
បុរសម្នាក់បានជួបគ្រោះថ្នាក់ចរាចរណ៍ដេកដួលក្រោមរថយន្តធុនធំ បង្កឲ្យរងរបួសយ៉ាងធ្ងន់ធ្ងរ។ ហេតុការណ៍គ្រោះថ្នាក់នេះ បានកើតឡើងត្រង់ចំណុចអក្សរ តេ ផ្លូវតាងៅ ស្ថិតក្នុងភូមិតាងៅសង្កាត់និរោធ ខណ្ឌច្បារអំពៅ រាជធានីភ្នំពេញ។
យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាល ខណ្ឌច្បារអំពៅ បានឲ្យដឹងថា គ្រោះថ្នាក់នេះ បានកើតឡើងនៅវេលាម៉ោង១១និង០០នាទី ថ្ងៃទី១៦ ខែធ្នូ គឺជនរងគ្រោះភេទប្រុស មានវ័យប្រហែលជាង២០ឆ្នាំ មិនស្គាល់អត្តសញ្ញាណ បានបើកបរម៉ូតូសង់សេរី០១៣ពណ៌ខ្មៅពាក់ស្លាកលេខភ្នំពេញ១B ៣៣ ៩៩ ដោយធ្វើដំណើរតាមបណ្តោយផ្លូវតាងៅ ក្នុងទិសដៅពីជើងមកត្បូង។ លុះមកដល់ផ្លូវកែងអក្សរ តេ ក៏ស្រាប់តែមានរថយន្តស្ទូចពណ៌សរពាក់ស្លាកលេខភ្នំពេញ២B ២៤២៤ ដែលបើកបរតាមបណ្តោយផ្លូវបេតុងក្នុងទិសដៅពីលិចមកកើត បានបុកម៉ូតូបណ្តាលឲ្យអ្នកបើកម៉ូតូខ្ទាតចូលក្រោមរថយន្តរងរបួសធ្ងន់ធ្ងរ ហើយត្រូវបានដឹកយកទៅសង្គ្រោះភ្លាមៗ។
លោកអធិការរងបន្តថា ចំពោះអត្តសញ្ញាណជនរងគ្រោះមិនបានស្គាល់ទេ។ ដោយឡែកអ្នកបើកបររថយន្ត ត្រូវបានចាប់ខ្លួនផងដែរ។ លោកអធិការបញ្ជាក់ថា ករណីគ្រោះថ្នាក់ចរាចរណ៍នេះ គឺដោយសាររថយន្តមិនបង្អង់ល្បឿនស្ថិតនៅផ្លូវអក្សរ តេ ដែលជាផ្លូវកែងហើយតែងជួបគ្រោះថ្នាក់ញឹកញាប់ណាស់។ ក្នុងនោះលោកអធិការរងបានសំណូមពរដល់អ្នកបើកបរទាំងអស់ពេលមកដល់ចំណុចគ្រោះថ្នាក់នេះ ត្រូវស៊ីផ្លេឲ្យបានដឹងមុនទើបធ្វើឲ្យភាគីម្ខាងបានដឹងនិងប្រុងប្រយ័ត្ន។ ទោះយ៉ាងណាក៏សមត្ថកិច្ចសុំអំពាវនាវរកក្រុមគ្រួសារបុរស ដែលរងរបួសមានវ័យជាង២០ឆ្នាំសម្បុរសពាក់យឺតដៃវែងពណ៌ក្រហម លាយទឹកប្រាក់ ស្លៀកខោខូវប៊យជើងវែង។ បើបានទទួលដំណឹងហើយសូមមកទំនាក់ទំនងពីនគរបាលខណ្ឌច្បារអំពៅ នៃស្នងការដ្ឋាននគរបាលរាជធានីភ្នំពេញ៕
អត្ថបទ៖ នរា
សូមចុចអាន៖ ប្រតិបត្តិការទ្រង់ទ្រាយធំនៅប៉ោយប៉ែត ឃាត់មនុស្ស ៣នាក់ ដកហូតគ្រឿងញៀនជិត១០គីឡូក្រាម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង