ព័ត៌មានជាតិ

ជំទាវឱ វណ្ណឌីន បញ្ជាក់ឡើងវិញរឿងទិញវ៉ាក់សាំងកូវីដ ១៩

បានផុស

៤ years មុន

នៅ

ថ្ងៃពុធ ១៦ ធ្នូ ២០២០

ដោយ

ក្រោយមានការចុះផ្សាយដោយសារព័ត៌មានមួយចំនួន មានការភាន់ច្រឡំលើគ្រោងការទិញវ៉ាក់សាំងរបស់ប្រទេសកម្ពុជា លោកជំទាវ ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានបញ្ជាក់ថា កម្ពុជាបានបញ្ជាទិញវ៉ាក់សាំងទៅមជ្ឈមណ្ឌលកូវ៉ាក់ (COVAX Facility) ចំនួនមួយលានដូស ដែលនឹងទទួលបានជាដំណាក់កាលៗ។

លោកជំទាវបន្តថា វ៉ាក់សាំងដែលកម្ពុជាបញ្ជាទិញនេះ តម្រូវឲ្យមានការវាយតម្លៃគុណភាពនិងប្រសិទ្ធិភាពជាមុនដោយអង្គការសុខភាពពិភពលោក ទេីបមជ្ឈមណ្ឌលកូវ៉ាក់ធ្វេីការបែងចែកមកបណ្តាប្រទេសកំពុងអភិវឌ្ឍន៌ដែលជាសមាជិករបស់មជ្ឈមណ្ឌលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវបន្ថែមថា កម្ពុជានឹងទទួលបានវ៉ាក់សាំងនៅពេលណានោះ គឺមិនទាន់ដឹងបាននៅពេលនេះនៅឡេីយទេ ដោយ អាស្រ័យលេីមជ្ឈមណ្ឌលកូវ៉ាក់នឹងទទួលបានវ៉ាក់សាំងកូវីដ-១៩ នៅពេលណាដែរ ហេីយអង្គការសុខភាពពិភពលោក បានវាយតម្លៃវ៉ាក់សាំងនោះជាមុននូវប្រសិទ្ធិភាព និងគុណភាពវ៉ាក់សាំងនោះឲ្យបានរួចរាល់ជាមុនដែរមុននឹងធ្វេីការបែងចែក)។

ដូច្នេះ ប្រសិនបេីក្រុមហ៊ុនផលិតវ៉ាក់សាំងពីប្រទេសណាមួយ រួមទាំងប្រទេសចិនផងដែរនោះ អាចផលិតបានសម្រេចផលចុងក្រោយ ហេីយផ្គត់ផ្គង់ទៅមជ្ឈមណ្ឌលកូវ៉ាក់តាមការឯកភាពគ្នាជាមុននោះ ហេីយអង្គការសុខភាពពិភលោកក៏បានវាយតម្លៃប្រសិទ្ធិភាពនិងគុណភាពរួចរាល់ជាមុនដែរនោះៗសមភាពនៃការបែងចែកនឹងត្រូវបានធ្វេីទៅតាមសភាពជាក់ស្តែងនៃចំនួនវ៉ាក់សាំងដែលទទួលបានដែលត្រូវបែងចែកឲ្យទៅបណ្តាប្រទេសដែលជាសមាជិកដោយមជ្ឈមណ្ឌលកូវ៉ាក់នេះតែម្តង។

លោកជំទាវ ក្រើនរំលឹកសូមអ្នកសារព័ត៌មានកុំមានការពន្យល់ ឫបកស្រាយណាមួយដែលផ្ទុយទៅនឹងគោលការណ៌ដែលកម្ពុជា បានប្រកាន់យក ជាពិសេសកុំលេីកយកប្រសាសន៌ដ៏ខ្ពង់ខ្ពស់របស់សម្តេចតេជោនាយករដ្ឋមន្រ្តី ដែលបានថ្លែងការណ៌ជូនបងប្អូនជនរួមជាតិ នាព្រឹកថ្ងៃទី១៥ ខែធ្នូ ឆ្នាំ២០២០ កន្លងមកនេះ មកបកស្រាយខុសដូច្នេះអីណា។ បេីចង់ quote ប្រសាសន៌សម្តេចតេជោ សូមមេត្តាលេីកយកចំណុចណាមួយទាំងស្រុងតែម្តង ចៀសវាងការសរសេរខុស បកស្រាយខុស ឫការភ័ន្តច្រឡំណាមួយដែលអាចកេីតមាន៕

Related Topics: