ព័ត៌មានជាតិ

លោក សុខ ទូច ៖ បើដាក់ស្លាក ហើយមិនដាក់ធុងសំរាម ឲ្យយកទៅចោលឯណា?

បានផុស

៣ years មុន

នៅ

ថ្ងៃអង្គារ ២៦ មេសា ២០២២

ដោយ

រយៈកាលកន្លងមក ប្រជាជនភាគច្រើនបានលើកឡើងពីបញ្ហាសំរាម ដោយមានការចោលសំរាមតាមទីសាធារណៈ នឹងជាពិសេសលើការគ្រប់គ្រងសំរាមរបស់អាជ្ញាធរ មានតែការហាមឃាត់មិនអោយចោលសំរាម ទាំងខ្វះការរៀបចំធុងសំរាមឲ្យបានគ្រប់ទីកន្លែង។

លោក សុខ ទូច ប្រធានរាជបណ្ឌិតសភាកម្ពុជា បានលើកជាចម្ងល់ទាក់ទងទៅនឹងការគ្រប់គ្រងសំរាម។ លោកលើកឡើងយ៉ាងដូច្នេះថា បើដាក់ស្លាកត្រូវតែដាក់ធុងសំរាម ហើយបើមិនដាក់ធុងសំរាមឲ្យយកទៅចោលឯណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងវេទិកាកិច្ចពិភាក្សាតុមូលស្ដីពីទេសចរណ៍កម្ពុជាក្នុងបរិបទកូវីដ-១៩ កាលពីថ្ងៃទី២២ មេសា ឆ្នាំ២០២២ លោកបានសង្កត់ធ្ងន់ថា ដើម្បីបញ្ចប់បញ្ហានេះ ត្រូវមានវិធានការ៣យ៉ាងសំខាន ទី១ ត្រូវអប់រំ ទី២ ដាក់ធុងសំរាម និង ទី៣ រៀបចំដាក់កាមេរ៉ាសុវត្តិភាព។ ប្រសិនបើការអនុវត្តការផាកពិន័យមិនមានការអនុវត្តនោះទេ សំរាមនៅតែមានអ្នកចោលដោយគ្មានសណ្ដាប់ធ្នាប់ ហើយកុំដាក់ស្លាកឬការកំណត់លើការពិន័យយកតែនាម គ្មានការអនុវត្តច្បាប់ជាក់ស្ដែង ។

អាជ្ញាធររាជធានីភ្នំពេញបានធ្វើការផ្សព្វផ្សាយ និងក្រើនរំលឹកដល់ពលរដ្ឋលើការទុកដាក់សំរាម និងបានចាប់ផ្តើមអនុវត្តការផាកពិន័យចំពោះអ្នកដែលទុកដាក់សំណល់សំរាមមិនបានត្រឹមត្រូវ។

លោកហួត ហៃ អភិបាលរងរាជធានីភ្នំពេញបានលើកឡើងក្នុងកិច្ចប្រជុំផ្សព្វផ្សាយកន្លងទៅថា បញ្ហាសំរាមត្រូវអនុវត្តចាប់ពីដើមខ្សែរហូតដល់ចុងខ្សែ។ លោកបានបញ្ជាក់ថា ចាប់ពីខែកុម្ភៈ ឆ្នាំ២០២២ អាជ្ញាធរបានចាប់ផ្តើមអនុវត្តការផាកពិន័យទៅតាមច្បាប់ និងលិខិតបទដ្ឋានគតិយុត្តិជាធរមាន ព្រមទាំងប្ដឹងទៅតុលាការតាមកំហុសជាក់ស្ដែង ចំពោះអ្នកដែលទុកដាក់កាកសំណល់ ដោយមិនបានបែងចែកឲ្យបានត្រឹមត្រូវរវាងសំរាមសើមនិងសំរាមស្ងួត និងការបញ្ចេញសំរាមខុសម៉ោងខុសពេលកំណត់។

ជាមួយគ្នានេះ ដើម្បីបង្កើនប្រសិទ្ធភាពលើការគ្រប់គ្រងសំរាម អាជ្ញាធរបានរៀបចំក្រុមហ៊ុនប្រមូលសំរាមចំនួន ០៣ ដោយបែងចែកគោលដៅទទួលខុសត្រូវក្នុងខណ្ឌទាំង១៤ ធ្វើយ៉ាងណាប្រមូលសំរាមឲ្យបានទាន់ពេលវេលាតាមគ្រប់ច្រកផ្លូវទាំងអស់៕

អត្ថបទ៖ វាសនា

Related Topics:លោក សុខ ទូច