ព័ត៌មានជាតិ
លោក តូច ប៉ូលីវ៉ា ៖ កូនខ្មែរក៏មានសិទ្ធិធ្វើសាក្សីបង្ហាញទៅអន្តរជាតិពីការបោះឆ្នោតដោយយុត្តិធម៌ដែរ
កម្ពុជា នឹងរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នាពេលខាងមុខនេះ។ គណៈកម្មការជាតិរៀបចំការបោះឆ្នោត បានអនុញ្ញាតឱ្យសហភាពសហព័ន្ធយុវជនកម្ពុជា(ស.ស.យ.ក)ខេត្តស្វាយរៀងចូលរួមសង្កេតការណ៍ក្នុងដំណើរការនៃការបោះឆ្នោតនេះ ។ ការណ៍នេះ ធ្វើឲ្យលោក តូច ប៉ូលីវ៉ា ប្រធានគ្រប់គ្រងអ្នកសង្កេតការណ៍ ស.ស.យ.ក ប្រចាំខេត្តស្វាយរៀងបានលើកឡើងថា កូនខ្មែរក៏មានសិទ្ធិធ្វើសាក្សីបង្ហាញទៅអន្តរជាតិនៅក្នុងការបោះឆ្នោតដោយត្រឹមត្រូវ និងយុត្តិធម៌។
លោក តូច ប៉ូលីវ៉ា អនុប្រធាន ស.ស.យ.ក ប្រចាំខេត្តស្វាយរៀង និងជាប្រធានគ្រប់គ្រងអ្នកសង្កេតការណ៍ ស.ស.យ.ក ប្រចាំខេត្តស្វាយរៀង បានប្រាប់«កម្ពុជាថ្មី»ថា អ្នកសង្កេតការណ៍របស់ ស.ស.យ.ក ប្រចាំខេត្តស្វាយរៀងមានចំនួនប្រមាណជាង៣ពាន់នាក់សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥។ ចំនួននេះ គឺជាចំនួនមួយដ៏ច្រើនដែលគ្មានអង្គការ ឬសមាគមណា ដែលអាចរៀបចំបានចំនួនច្រើនបែបនេះឡើយ។ លោកថា ស.ស.យ.ក បានយកចិត្តទុកដាក់ខ្លាំងទៅលើការបណ្ដុះបណ្ដាលអ្នកស្ម័គ្រចិត្តសង្កេតការណ៍របស់ខ្លួន ដើម្បីឱ្យពួកគេមានការយល់ដឹងកាន់តែច្បាស់ រាប់ចាប់តាំងពីមុនពេលបោះឆ្នោតរហូតដល់បញ្ចប់នៃការរាប់សន្លឹកបោះឆ្នោត ដើម្បីធានាឲ្យបាននូវតម្លាភាព ត្រឹមត្រូវ និងយុត្តិធម៌។
សម្រាប់លោក តូច ប៉ូលីវ៉ា ការចូលរួមសង្កេតការណ៍ មិនមែនធ្វើដើម្បីតែស.ស.យ.ក នោះទេ ពោល គឺដើម្បីជាតិទាំងមួល ព្រោះនៅពេលដែលអ្នកសង្កេតការណ៍បានឃើញសភាពជាក់ស្ដែង បានឃើញដំណើរការប្រព្រឹត្តទៅដោយសេរី យុត្តិធម៌ ត្រឹមត្រូវ ពួកគាត់ នឹងនិយាយប្រាប់ថា ការបោះឆ្នោតនេះ ធ្វើទៅដោយគ្មានការបង្ខិតបង្ខំ ការកៀបសង្កត់ ហើយមានយុត្តិធម៌។ យុវជនស្ម័គ្រចិត្តរបស់ ស.ស.យ.ក នឹងទៅឈរនៅការិយាល័យបោះឆ្នោតដោយផ្ទាល់ និងសង្កេតមើលទិដ្ឋភាព ហើយហ៊ានអះអាងថា ការបោះឆ្នោតនេះ បានប្រព្រឹត្តទៅដោយត្រឹមត្រូវ ដូចដែល គ.ជ.ប បានរៀបចំទៅតាមច្បាប់កំណត់។
ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នឹងប្រព្រឹត្តទៅនៅថ្ងៃទី៥ មិថុនា ២០២២។ យោងតាមគ.ជ.ប ចំនួនអ្នកចុះឈ្មោះបោះឆ្នោតមានចំនួន ៩,០២៥,៦៨១នាក់ ស្រី ៤,៩០៤,៨៣២ នាក់៕
ដោយ៖ សេម វាសនា
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៨ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត