ព័ត៌មានជាតិ

សម្ដេចតេជោ ហ៊ុន សែន ប្រាប់ឲ្យក្រសួងអប់រំ ត្រៀមដើម្បីរៀបចំការប្រកួតកីឡាស៊ីហ្គេមឆ្នាំ២០២៣

បានផុស

៣ years មុន

នៅ

ថ្ងៃពុធ ២៧ មេសា ២០២២

ដោយ

មានប្រសាសន៍ទាក់ទងទៅនឹងការលើកកម្ពស់វិស័យអប់រំយុវជន និងកីឡា សម្ដេចអគ្គមហាសេនាបតីតេជោ ហ៊ុន សែន បានផ្ដល់អនុសាសន៍ជាច្រើនចំណុចក្នុងនោះសម្ដេចបានប្រាប់ឲ្យក្រសួងអប់រំ ត្រៀមលក្ខណៈឲ្យបានពេញលេញ ដើម្បីធ្វើជាម្ចាស់ផ្ទះប្រកួតកីឡាស៊ីហ្គេមឆ្នាំ២០២៣ ដោយសហការជាមួយគ្រប់ភាគីពាក់ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចលើកឡើងបែបនេះ នៅក្នុងពិធីបិទសន្និបាតបូកសរុបការងារឆ្នាំសិក្សា២០២០-២០២១ និងលើកទិសដៅការងារឆ្នាំសិក្សា២០២១-២០២២ នៅរសៀលថ្ងៃទី២៧ ខែមេសា ឆ្នាំ ២០២២ នេះ។ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានបញ្ជាក់យ៉ាងនេះថា “បន្តត្រៀមលក្ខណៈឲ្យបានពេញលេញ ដើម្បីធ្វើជាម្ចាស់ផ្ទះប្រកួតកីឡាស៊ីហ្គេមឆ្នាំ២០២៣ ដោយសហការជាមួយគ្រប់ភាគីពាក់ព័ន្ធក្នុងការអភិវឌ្ឍន៏ សមាគមកីឡាមហាជន សហព័ន្ធកីឡា បន្តហ្វឹកហាត់កីឡាជម្រើសជាតិ ឲ្យបានដិតដល់ ជំរុញសកម្មភាពអប់រំកាយ និងកីឡា នៅតាមគ្រួសារឲ្យបានផុលផុស”។

សូមបញ្ជាក់ថា ព្រះរាជាណាចក្រកម្ពុជា នឹងទទួលធ្វើជាម្ចាស់ផ្ទះ រៀបចំព្រឹត្តិការណ៍កីឡា ថ្នាក់តំបន់អាស៊ីអាគ្នេយ៍ (ស៊ីហ្គេម) លើកទី៣២ ឆ្នាំ២០២៣ ខាងមុខនេះ។ ស៊ីហ្គេម ឆ្នាំ២០២៣ ត្រូវបានប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន កំណត់យកថ្ងៃទី០៥ ខែឧសភា ឆ្នាំ២០២៣ គឺជាថ្ងៃបើកព្រឹត្តិការណ៍ស៊ីហ្គេម។

ពេលវេលាដែលនៅសល់ នៅមានការងារច្រើនណាស់ដែលត្រូវធ្វើ សំខាន់ការងារទាក់ទងនឹងបច្ចេកទេស ដែលជាបញ្ហាធំ ទាក់ទងនឹងធនធានមនុស្ស ការបណ្តុះបណ្តាល ការគ្រប់គ្រងព្រឹត្តិការណ៍ ពិធីបើក ពិធីបិទ ការហូបចុក ការស្នាក់នៅ ហើយក្នុងនោះ ភូមិកីឡាក៏បុកគ្រឹះសាងសង់ផងដែរ។

បើតាមលោក ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ CAMSOC ធ្លាប់បានលើកឡើងថា បញ្ហាដែលធំជាងគេ សហព័ន្ធកីឡាជាតិ គឺជាស្នូលមូលដ្ឋាន ក្នុងការបណ្តុះបណ្តាលធនធានកីឡាករ កីឡាការិនី គ្រូបង្វឹក មន្ត្រីគ្រប់គ្រងព្រឹត្តិការណ៍ តាមប្រភេទកីឡាជំនាញនីមួយៗ ដោយសហព័ន្ធជាតិត្រូវពង្រឹងខ្លួន ឈានឆ្ពោះទៅស៊ីហ្គេម ឆ្នាំ២០២៣៕

ដោយ ៖ កោះកែវ