ព័ត៌មានជាតិ
កម្ពុជា នាំចេញកសិផលបានជាង ៤លានតោន រយ:ពេល៤ ខែឆ្នាំ ២០២២
កសិផលប្រមាណជាង ៤លានតោន ត្រូវបាននាំចេញពីកម្ពុជា ទៅកាន់ទីផ្សារអន្តរជាតិ ក្នុងរយ:ពេល៤ ខែ ដោយគិតចាប់ពីខែ មករា រហូតដល់ថ្ងៃទី ២៦ មេសា ក្នុងឆ្នាំ ២០២២។ នេះបើតាមការចេញផ្សាយទិន្នន័យផ្លូវការរបស់ក្រសួងកសិកម្ម រុក្ខប្រមាញ់ និងនេសាទ នៅថ្ងៃទី២៧ មេសា។

ទិន្នន័យដដែល បានឱ្យដឹងថា បើទោះបីជាមានវិបត្តិកូវីដ-១៩ និងវិបត្តិសង្គ្រាមនៅអ៊ុយក្រែនក៏ដោយ តែការនាំចេញកសិផលរបស់កម្ពុជា មានការកើនឡើង ២១៤ ២៧០.៨៤ តោន ស្មើនឹង៥.៦០ ភាគរយ បើធៀបនឹងឆ្នាំ ២០២១ ដែលមានត្រឹមតែ ៣ ៨២៦ ៤៣២.៨៥ តោនប៉ុណ្ណោះ ដោយស្ថិតក្នុងរយ:ពេលដូចគ្នានេះ។
ចំពោះកសិផលនាំចេញ ដូចជា ស្រូវ អង្ករ ដំឡូងមីស្រស់ ចំណិតដំឡូងមីគ្រៀម ម្សៅដំឡូងមី និងផលិតផលមួយចំនួនធំទៀត មានការកើនឡើងគួរឲ្យកត់សម្គាល់។ ទន្ទឹមនឹងការកើនឡើងនោះ ផលិតផលផ្លែចេកស្រស់ និងស្វាយស្រស់ ក៏មានការធ្លាក់ចុះគួរឲ្យកត់សម្គាល់ ជាពិសេស គឺការនាំចេញទៅទីផ្សារប្រទេសចិន។
យោងតាមក្រុមហ៊ុននាំចេញកសិផលធំៗ នៅក្នុងស្រុកបានឲ្យដឹងថា មូលហេតុនៃការធ្លាក់ចុះនេះ គឺកត្តាកង្វះទូត្រជាក់ដាក់កសិផល និងតម្លៃរបស់ទូកើនឡើង៣ដង ការរឹតបន្តឹងត្រួតពិនិត្យទំនិញនៅច្រកព្រំដែនវៀតណាម-ចិន ការនាំចេញកសិផលទៅវៀតណាម មានការថយចុះ និងការរឹតបន្តឹងអនាម័យ និងភូតគាមអនាម័យ ដែលបណ្តាលមកពីការរកឃើញកូវីដ-១៩ លើសម្បកកេសវេចខ្ចប់ផ្លែចេកពីសំណាក់គយចិន ជាហេតុធ្វើឲ្យក្រុមហ៊ុនផ្អាកការនាំចេញមួយរយ:។
ក្រសួងកសិកម្ម បានបញ្ជាក់ថា ការនាំចេញផលិតផលនេះ គឺជាការសម្រេចចិត្តរបស់ផ្នែកឯកជន ក្នុងការនាំចេញទៅទីផ្សារ តែទោះយ៉ាងណា ក្រសួងក៏កំពុងតែខិតខំជំរុញការងារផលិតកម្មឲ្យកាន់តែមានគុណភាព និងភាពរីកចម្រើនទៅមុខ ដើម្បីបំពេញតម្រូវការការរបស់ទីផ្សារក្រៅប្រទេស៕
អត្ថបទ៖ នាង រតនៈ


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ