ព័ត៌មានជាតិ
ទម្លាយរឿងអាស្រូវក្រុមហ៊ុនហានស៊ីន ដេញថ្លៃស្ថាបនាផ្លូវជាតិជាច្រើនខ្សែ គ្មានគុណភាព
ក្រុមហ៊ុន ហានស៊ីន (Hanshin) កំពុងទទួលគម្រោងក្នុងការស្ថាបនាផ្លូវជាតិ ២ និងលេខ ២២ ខណៈក្រុមហ៊ុនដែលមានមូលដ្ឋាននៅប្រទេសកូរ៉េនេះ រងការរិះគន់ស្ថាបនាផ្លូវគ្មានគុណភាព ហើយក្រសួងសាធារណការព្រមានដាក់ក្នុងបញ្ជីខ្មៅ។
បើតាមរដ្ឋមន្រ្តីក្រសួងសាធារណការនិងដឹកជញ្ជូន លោក ស៊ុន ចាន់ថុលបានឲ្យដឹងថា កន្លងទៅនេះក្រុមហ៊ុនហានស៊ីនធ្លាប់មានរឿងអាស្រូវលើការស្ថាបនាផ្លូវជាតិលេខ ២១ ដោយសាងសង់គ្មានគុណភាពរហូតដល់ក្រសួងបានជូនដំណឹងដល់ក្រុមហ៊ុនមេនៅប្រទេសកូរ៉េ។
ក្នុងពេលចុះពិនិត្យការស្ថាបនាផ្លូវជាតិលេខ ២ និង ២២ នៅទឹកដីខេត្តតាកែវប៉ុន្មានថ្ងៃមុននេះ លោករដ្ឋមន្រ្តី ស៊ុន ចាន់ថុល បានសង្កេតឃើញថា ការសាងសង់របស់ក្រុមហ៊ុននេះគ្មានគុណភាពមិនស្របតាមស្តងដារបច្ចេកទេស ហើយក្រសួងមិនអាចទទួលយកបានទេ។
បើតាមលោករដ្ឋមន្រ្តី មិនអាចអង្គុយបក់ផ្សែងរហូតចំពោះក្រុមហ៊ុននេះទេ។ ក្រសួងនឹងពិភាក្សាជាមួយភាគីកូរ៉េបើសិនជាធ្វើផ្លូវលេខ ២១ មានបញ្ហា ផ្លូវលេខ ២២ និងផ្លូវលេខ ២ មានបញ្ហា អ៊ីចឹងគួរអនុញ្ញាតឱ្យក្រុមហ៊ុននេះដេញថ្លៃទៀត ឬមួយហាមដេញថ្លៃ ៥ ឆ្នាំ ដាក់ក្នុងបញ្ជីខ្មៅ។
លោករដ្ឋមន្ត្រីបន្តទៀតថា ដើម្បីកែសម្រួលផ្លូវនេះឡើងវិញ ទាល់តែក្រុមការងារបច្ចេកទេសក្រសួងមកវ៉ៃគ្រឹះឡើងវិញទាំងអស់ កន្លែងខ្លះដែលត្រូវកាយចេញគឺត្រូវតែកាយ ដើម្បីធ្វើតាមលក្ខណៈបច្ចេកទេសជាគំរូ ទុកព្រមានទៅដល់ក្រុមហ៊ុនផ្សេងៗទៀតឱ្យធ្វើការសាងសង់ផ្លូវឱ្យមានគុណភាពទៅតាមស្តង់ដាកុំធ្វើឱ្យរួចពីដៃ។
លោករដ្ឋមន្រ្តីបានអះអាងថា ក្រុមហ៊ុនដដែលនេះក៏បានដេញថ្លៃបានគម្រោងសាងសង់កំណាត់ផ្លូវជាតិលេខ ៥ ដែលជាគម្រោងក្រោមកម្ចីឥណទានពីរដ្ឋាភិបាលជប៉ុនផងដែរ។ លោករដ្ឋមន្រ្តីបានបញ្ជាក់ថា ក្រុមហ៊ុននេះបានដេញថ្លៃបានគម្រោងស្ថាបនាផ្លូវជាតិលេខ ៥ មួយកំណាត់ក្នុងចម្ងាយប្រមាណជាង ៥១ គីឡូម៉ែត្រពីខេត្តកំពង់ឆ្នាំងមកដល់ធ្លារម្អម ទឹកដីខេត្តពោធិសាត់ ហើយក៏រងការរិះគន់ស្ថាបនាមានភាពយឺតយ៉ាវផងដែរ។
ក្រុមហ៊ុនរបស់កូរ៉េស៊ីនហាន់ កាលពីប៉ុន្មានឆ្នាំមុនក៏ទទួលបានគម្រោងស្ថាបនាផ្លូវជាតិលេខ ៣ ពីភ្នំពេញទៅខេត្តកំពត ដែលសាងសង់ខ្វះការទទួលខុសត្រូវគ្មានគុណភាព ទើបរាជរដ្ឋាភិបាលបានសម្រេចឲ្យក្រុមហ៊ុនចិនស្ថាបនាឡើងវិញ។
បន្តមកទៀតក៏ទទួលស្ថាបនាផ្លូវជាតិលេខ ២១ ពីក្រុងតាខ្មៅទៅព្រំដែនជ្រៃធំ ស្រុកកោះធំ ខេត្តកណ្តាល ក៏សាងសង់គ្មានគុណភាព រហូតរដ្ឋមន្ត្រីក្រសួងសាធារណៈការ និងដឹកជញ្ជូនដឹកនាំក្រុមការងារចុះទៅពិនិត្យដោយផ្ទាល់។
ឥលូវក្រុមហ៊ុនដដែលនេះ ក៏កំពុងស្ថាបនាផ្លូវជាតិលេខ ២ និង ២២ មានភាពយឺតយ៉ាវដែលរដ្ឋមន្រ្តីក្រសួងសាធារណការនិងដឹកជញ្ជូនព្រមានដាក់ក្នុងបញ្ជីខ្មៅ។
បើតាមប្រភពទម្លាយថា ក្រុមហ៊ុនហានសុីង (HanShin) ដេញថ្លៃគម្រោងបានដោយដាក់តម្លៃទាប ហើយក្រុមហ៊ុននេះគ្មានគ្រឿងចក្រសម្រាប់ដំណើរការស្ថាបនាផ្លូវដោយខ្លួនឯងទេ គឺត្រូវជួលគ្រឿងចក្រ និងរថយន្តពីក្រុមហ៊ុនផ្សេងៗស្ទើរទាំងស្រុង៕
អត្ថបទ៖ ប៊ុណ្ណារ៉ា
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់