ព័ត៌មានជាតិ

ក្រសួងសង្គមកិច្ច ឯកភាព កិច្ចសហការលើការជួយជនអនាថា និងការចិញ្ចឹមកូនបែបវិជ្ជមាន នៅកម្ពុជា

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

ថ្នាក់ដឹកនាំនាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានស្វាគមន៍និងសាទរទាំងស្រុងចំពោះអង្គការទស្សនៈពិភពលោកតំបន់ភ្នំពេញ នូវកិច្ចសហការលើការជួយជនអនាថា និងការចិញ្ចឹមកូនបែបវិជ្ជមាននៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា ខណៈពេលជួបជាមួយលោក ជា សុភាព ប្រធានអង្គការទស្សនៈពិភពលោកតំបន់ភ្នំពេញ ក្នុងកិច្ចប្រជុំពិភាក្សាលើផែនការសហការលើការជួយជនអនាថា និងការចិញ្ចឹមកូនបែបវិជ្ជមាននៅបន្ទប់ព្រះសីហនុនៃនាយកដ្ឋានសុខុមាលភាពសង្គមកាលពីម្សិលមិញ។

លោក ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសបានថ្លែងថា កិច្ចជំនួបជាមួយលោក ជា សុភាព ប្រធានអង្គការទស្សនៈពិភពលោកតំបន់ភ្នំពេញ គឺបានផ្តល់នូវអត្ថប្រយោជន៍ដ៏សំខាន់មួយ ដើម្បីពិភាក្សាលើផែនការសហការលើការជួយជនអនាថា និងការចិញ្ចឹមកូនបែបវិជ្ជមាន ហើយក៏ស្របទៅនឹងទិសដៅក្រសួងសង្គមកិច្ច បានអនុវត្តជារៀងរហូតមកក្រោយមានគោលនយោបាយយុទ្ធសាស្ត្ររបស់រាជរដ្ឋាភិបាល៕

អត្ថបទ៖ វិមាន

Related Topics:កិច្ចប្រជុំ