ព័ត៌មានជាតិ

ត្រីបបែលជាង៦គីឡូ ដែលផ្ទុកសារធាតុគីមី ត្រូវបានសមត្ថកិច្ចដុតបំផ្លាញចោល

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

មន្ត្រីសាខា ក.ប.ប ខេត្តកំពត-កែប បានដកហូតបបែលក្រៀម ដែលមានផ្ទុកសារធាតុគីមីចំនួន៥.៩គីឡូក្រាម ហើយត្រូវបានសមត្ថកិច្ចដុតបំផ្លាញចោល កាលពីថ្ងៃទី១៦ ខែធ្នូ ឆ្នាំ២០២០ នៅក្នុងផ្សារត្រពាំងរពៅ ឃុំព្រែកត្នោត ស្រុកទឹកឈូ ខេត្តកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការសហការគ្នាជាមួយមន្ត្រីមន្ទីរពាណិជ្ជកម្មខេត្ត និងគណៈកម្មការផ្សារ ក្នុងការចុះផ្សព្វផ្សាយអំពីគុណភាព សុវត្ថិភាពម្ហូបអាហារ ដោយបានត្រួតពិនិត្យទៅលើទំនិញ និងម្ហូបអាហារនៅក្នុងផ្សារត្រពាំងរពៅ។ ក្នុងការចុះត្រួតពិនិត្យនេះ មន្ត្រីជំនាញបានធ្វើការវិភាគលើគ្រឿងសមុទ្រមួយចំនួនដូចជា៖ មឹកស្រស់ បង្គាស្រស់ បបែលក្រៀម ដើម្បីស្វែងរកសារធាតុគីមីហាមឃាត់ដែលធ្វើអោយប៉ះពាល់ដល់សុខភាពប្រជាពលរដ្ឋ។

បន្ទាប់ពីការត្រួតពិនិត្យរបស់មន្ត្រីសាខា ក.ប.ប ខេត្តកំពត-កែប សមត្ថកិច្ចបានរកឃើញបបែលក្រៀម ដែលមានផ្ទុកសារធាតុគីមីហាមឃាត់ចំនួន ៥.៩គីឡូក្រាម សមត្ថកិច្ចក៏បានដកហូតយកបបែលក្រៀមទាំងនោះទៅដុតកម្ទេចចោលនាពេលក្រោយតាមនីតិវិធី។ ទន្ទឹមនឹងនេះ មន្ត្រីជំនាញក៏បានធ្វើការណែនាំដល់អាជីវករផ្សេងទៀត ឲ្យយល់ដឹង និងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ព្រមទាំងច្បាប់ស្តីពីកិច្ចការពារអ្នកប្រើប្រាស់ ជៀសវាងបង្កផលប៉ះពាល់ដល់សុខភាពប្រជាពលរដ្ឋនឹងអាចប្រឈមចំពោះមុខច្បាប់ថែមទៀត៕