Connect with us

ព័ត៌មានជាតិ

កម្ពុជា គ្រោងកាត់បន្ថយ អត្រាប្រេវ៉ាឡង់ពិការភ្នែក មកត្រឹម ០,៣៥% នៅឆ្នាំ២០៣០

បានផុស

នៅ

ប្រទេសកម្ពុជាមានគោលដៅកាត់បន្ថយអត្រាប្រេវ៉ាឡង់ នៃភាពពិការភ្នែក មកត្រឹម ០,៣៥% នៅឆ្នាំ២០៣០ ខណៈបច្ចុប្បន្នមានអត្រា ០,៣៧% នៃប្រជាជនទូទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងបើកសិក្ខាសាលាស្តីពីយុទ្ធសាស្រ្ត ដើម្បីគ្រប់គ្រង និងបង្ការភាពពិការភ្នែកសម្រាប់ចក្ខុវិស័យ២០៣០ នៅព្រឹកថ្ងៃទី០៤ ខែឧសភានេះ លោក សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល មានប្រសាសន៍ថា ជាលទ្ធផលអត្រាប្រេវ៉ាឡង់ នៃភាពពិការភ្នែក ក្នុងចំណោមប្រជាជនទូទៅបានធ្លាក់ចុះពី ១,២% ក្នុងឆ្នាំ១៩៩៥ មក ០,៣៨% ក្នុងឆ្នាំ២០០៧ ហើយបានបន្តធ្លាក់ចុះមកត្រឹម ០,៣៧% នៅឆ្នាំ២០១៩។ ចំណែកជំងឺត្រាក់កូម មិនមែនជាបញ្ហាសុខភាពសាធារណៈ និងជំងឺខ្វាក់មាន់ដែលបណ្តាលមកពីកង្វះជីវជាតិអា ត្រូវបានលុបបំបាត់នៅក្នុងព្រះរាជាណាចក្រកម្ពុជា។

លោករដ្ឋមន្រី្ត បានបន្តទៀតថា ការបម្រែបម្រួល និងការរីកចម្រើនលើវិស័យបច្ចេកវិទ្យា បានធ្វើឱ្យតម្រូវការសុខភាពភ្នែកមានការកើនឡើង ដែលទាមទារឱ្យយើងបង្កើតផែនការយុទ្ធសាស្រ្តជាតិលើកទី៣ សម្រាប់ការគ្រប់គ្រង និងបង្ការភាពពិការភ្នែកដល់ឆ្នាំ២០៣០ ដោយមានគោលបំណងរួម កាត់បន្ថយអត្រាប្រេវ៉ាឡង់ នៃភាពពិការភ្នែកមកត្រឹម ០,៣៥% នៅឆ្នាំ២០៣០ ហើយយុទ្ធសាស្រ្តជាតិនេះ ស្របតាមអនុសាសន៍របស់អង្គការសុខភាពពិភពលោក និងទីភ្នាក់ងារអន្តរជាតិសម្រាប់ការការពារភាពពិការភ្នែក និងស្របតាមផែនការយុទ្ធសាស្រ្តសុខាភិបាល ២០២២-២០៣០។

លោកសាស្រ្តាចារ្យ ម៉ម ប៊ុនហេង បានបញ្ជាក់ថា ជាងពីរទសវត្សរ៍កន្លងមកនេះ រាជរដ្ឋាភិបាលកម្ពុជា បានបន្តខិតខំប្រឹងប្រែងយ៉ាងខ្លាំងក្លាក្នុងការពង្រឹងគុណភាព និងពង្រីកវិសាលភាពសុខភាពភ្នែក ក្រោមគោលនយោបាយសមធម៌សុខភាពសាធារណៈ របស់ក្រសួងសុខាភិបាល ដែលបានធ្វើឱ្យការចូលទៅប្រើប្រាស់សេវាថែទាំសុខភាពភ្នែករបស់ប្រជាពលរដ្ឋមានការកើនឡើង ព្រោះសេវាសុខភាពភ្នែកត្រូវបានដាក់បញ្ចូលទៅក្នុងប្រព័ន្ធថែទាំសុខភាពនៅគ្រប់កម្រិតទាំងអស់។

លោកសាស្រ្តាចារ្យ ងី ម៉េង នាយកមនី្ទរពេទ្យមិត្តភាពខ្មែរ-សូវៀត និងជាប្រធានកម្មវិធីជាតិសុខភាពភ្នែក បានឱ្យដឹងថា សិក្ខាសាលានេះ មានគោលដៅប្រមូលផ្តុំភាគីដែលពាក់ព័ន្ធសំខាន់ៗនៅកម្ពុជា រួបរួមគ្នា និងប្តេជ្ញាចិត្ត ដើម្បីសម្រេចបាននូវក្របខ័ណ្ឌ និងយុទ្ធសាស្រ្តសកល បង្កើតចេញជាយុទ្ធវិធីស្របតាមស្ថានភាពសុខភាពភ្នែកនៅកម្ពុជានាពេលបច្ចុប្បន្ន និងធ្វើឱ្យមានការឯកភាពគ្នាលើមហិច្ឆិតា សម្រាប់ការអនុវត្តយុទ្ធសាស្រ្តចក្ខុវិស័យ២០៣០ និងមានភាពសម្រុងគ្នាលើជំហានជាក់ស្តែង និងការកំណត់ពេលវេលា៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

ឆ្លង​ចរន្តអគ្គិភ័យ​ឆាបឆេះ​ផ្ទះ​ប្រជាពលរដ្ឋ​អស់​៣ខ្នង ​នៅខណ្ឌ​ដង្កោ​

ព័ត៌មានជាតិ១ ម៉ោង មុន

សង្កាត់អូរឬស្សីទី២ រៀបចំវេទិកាសាធារណៈ ដើម្បីផ្សព្វផ្សាយដល់ពលរដ្ឋ និងទទួលយកសំណូមពរ

ព័ត៌មានជាតិ៣ ម៉ោង មុន

រដ្ឋបាល​រាជធានី ប្រកាស​ជ្រើស​រើស​ប្រធាន​ការិយាល័យ​មួយ​រូប ដើម្បីសម្រុះសម្រួល​បណ្ដឹងក្រៅប្រព័ន្ធតុលាការ

ព័ត៌មានជាតិ៤ ម៉ោង មុន

ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត

ព័ត៌មានជាតិ៥ ម៉ោង មុន

​ត្រឹម​២ថ្ងៃ នៃ​ការ​ប្រារព្ធ​ពិធី​បុណ្យ​ឆ្នេរ​ខ្សាច់ ​កោះ​ប៉ែន​ទទួល​បាន​ភ្ញៀវទេសចរណ៍ជាតិ និង​អន្តរជាតិ​ជាង​១១ម៉ឺននាក់

ព័ត៌មានអន្ដរជាតិ១៥ ម៉ោង មុន

ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនក្មេង​

ព័ត៌មានអន្ដរជាតិ១៤ ម៉ោង មុន

លោក ត្រាំ ប្រកាស​ថា អាមេរិក​ជិត​បើក​ការ​ផ្ដល់​ព័ត៌មាន​ចារកម្ម​ឲ្យ​អ៊ុយក្រែន​វិញ​ហើយ

សន្តិសុខសង្គម១ ម៉ោង មុន

ឆ្លង​ចរន្តអគ្គិភ័យ​ឆាបឆេះ​ផ្ទះ​ប្រជាពលរដ្ឋ​អស់​៣ខ្នង ​នៅខណ្ឌ​ដង្កោ​

គ្រឿងញៀន
សន្តិសុខសង្គម១៦ ម៉ោង មុន

មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន

ព័ត៌មានជាតិ៤ ម៉ោង មុន

ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត

Sokha Hotels

ព័ត៌មានពេញនិយម