ក្រសួង​ការងារ​ប្រកាស​ឈប់​លើក​ថ្ងៃបុណ្យ​ចំលើថ្ងៃអាទិត្យ​ទៅឈប់​ថ្ងៃបន្ទាប់

ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី ៤ ខែឧសភា ឆ្នាំ ២០២២នេះ បានប្រកាសឱ្យបញ្ឈប់ការលើកថ្ងៃសម្រាកដែលជាថ្ងៃបុណ្យប៉ះចំថ្ងៃអាទិត្យ ដោយមិនត្រូវលើកពេលទៅឈប់នៅថ្ងៃបន្ទាប់ឡើយ។

សេចក្ដីណែនាំរបស់ក្រសួងការងារ លើកឡើងថា “សូមណែនាំដល់ម្ចាស់ ឬនាយករោងចក្រ សហគ្រាស បងប្អូនកម្មករ និយោជិត និងអង្គការវិជ្ជាជីវៈ គ្រប់ជាន់ថ្នាក់ទាំងអស់ឱ្យបានជ្រាបថា ថ្ងៃឈប់បុណ្យដែលមានប្រាក់ឈ្នួលចំលើថ្ងៃអាទិត្យ មិនត្រូវបានលើកទៅឈប់សម្រាកនៅថ្ងៃបន្ទាប់ឡើយ”។

ក្រសួងការងារបញ្ជាក់ថា ប្រសិនបើកម្មករនិយោជិត និងនិយោជកឯកភាពគ្នាមកធ្វើការបន្ថែមម៉ោងនៅថ្ងៃឈប់បុណ្យ ដែលមានប្រាក់ឈ្នួលចំលើថ្ងៃអាទិត្យ នោះនិយោជកត្រូវគិតការធ្វើការបន្ថែមម៉ោងក្នុងអត្រាស្មើនឹង ២០០ ភាគរយ ឬ ២ ដងនៃប្រាក់ឈ្នួលថ្ងៃធ្វើការធម្មតា៕