ព័ត៌មានជាតិ

ស្អែកក្រសួងមហាផ្ទៃ យកសំណាកមេរោគកូវីដ១៩លើកទី៣ អ្នកពាក់ព័ន្ធព្រឹត្តិការណ៍សហគមន៍២៨វិច្ឆិកា

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

នាថ្ងៃទី១៨ ខែវិច្ឆិកា ឆ្នាំ២០២០ ស្អែកនេះ ក្រសួងមហាផ្ទៃនឹងយកសំណាកមេរោគកូវីដ១៩លើកទី៣ ចំពោះអ្នកដែលពាក់ព័ន្ធនៃព្រឹត្តិការណ៍២៨វិច្ឆិកា ដែលធ្លាប់តេស្តបាន២លើកកន្លងមក នេះបើយោងតាមផេកហ្វេសបុកផ្លូវការរបស់ក្រសួងមហាផ្ទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ ផេកហ្វេសបុកផ្លូវការរបស់ក្រសួងមហាផ្ទៃក៏បានបញ្ជាក់ថា ក្រសួងមហាផ្ទៃ នឹងបន្តចាត់ក្រុមការងារដើម្បីចុះរៀបចំទីតាំង និងផែនការលំហូរដើម្បីជួយសម្របសម្រួលដល់ថ្នាក់ដឹកនាំ មន្ត្រីនគរបាលជាតិ និងមន្ត្រីរាជការស៊ីវិលនៃក្រសួងមហាផ្ទៃ ព្រមទាំងអ្នកដែលចូលរួមផ្តល់សំណាកធ្វើតេស្តរកមេរោគកូវីដ១៩ បញ្ចប់ជាលើកទី៣ ចំពោះអ្នកពាក់ព័ន្ធផ្ទាល់ និងប្រយោល នៃព្រឹត្តិការណ៍សហគមន៍ ២៨ វិច្ឆិកា ដែលបានធ្វើតេស្តលើកទី២រួចរាល់កាលពីថ្ងៃទី១២ ខែធ្នូ ឆ្នាំ២០២០កន្លងទៅថ្មីៗនេះ ធ្វើយ៉ាងណាឲ្យស្របតាមវិធានការអនាម័យរបស់ក្រសួងសុខាភិបាល ដែលនឹងប្រព្រឹត្តទៅនៅព្រឹកថ្ងៃទី១៨ ខែធ្នូ ឆ្នាំ២០២០ ស្អែកនេះ នៅទីស្តីការក្រសួងមហាផ្ទៃ។

សម្រាប់ការធ្វើតេស្តកូវីដ១៩ លើកទី៣នេះ នឹងប្រព្រឹត្តទៅរយៈពេល១ថ្ងៃពេញ ចាប់ពីម៉ៅង៧និង០០នាទីព្រឹកតទៅ នៅទីស្តីការក្រសួងមហាផ្ទៃ៕
ដោយ ៖ នាយកដ្ឋានព័ត៌មានវិទ្យា