ព័ត៌មានជាតិ
មកដឹងរបៀបធ្វើផ្អកទុកបានយូរ បច្ចេកទេសបុរាណអនុវត្តតកូនតចៅ
“ផ្អក” ជាប្រភេទអាហារប្រពៃណីដែលគេនិយម ដ្បិតមានឱជារសឆ្ងាញ់ និងជាអាហារផ្អាប់ដែលទុកបានយូរ។ ផ្អកមានច្រើនបែបច្រើនយ៉ាងដូចជាផ្អកត្រី, ផ្អកកំពឹស, ផ្អកក្រឹម និងផ្អកធ្វើពីបន្លែមួយចំនួនដូចជាផ្អកឆៃថាវ, ផ្អកត្រសក់ ឬផ្អកត្រពាំងជាដើម។
ប៉ុន្តែកម្ពុជាថ្មីលើកយកតែផ្អកត្រីមកបង្ហាញប៉ុណ្ណោះ។ ផ្អកអាចយកច្នៃជាមុខម្ហូបច្រើនប្រភេទដូចជា ផ្អកចំហុយ ផ្អកចៀន, ផ្អកចិញ្ច្រាំ ផ្អកអាំង ឬដុត។ បើជាសម្លវិញ គឺមានស្ងោតផ្អកជាមួយត្រី, ត្រឡាច, ននោងជាដើម។
រដូវធ្វើផ្អកគឺស្របពេលជាមួយនឹងប្រហុកដែរ ពោលគឺចាប់ពីខែបុស្ស រហូតដល់ខែផល្គុន ឬខែចេត្រ។ នៅពេលគេធ្វើប្រហុក អ្នកខ្លះក៏ឆ្លៀតធ្វើផ្អកបន្ថែមទៀត ទុកសម្រាប់ហូបក្នុងរដូវប្រាំងដែលខ្សត់ម្ហូបផង និងក្នុងរដូវច្រូតកាត់ផង។
ការធ្វើផ្អកក៏មានតាមដំណាក់កាល ដូចជាការធ្វើប្រហុកដូច្នេះដែរ។ គ្រឿង ផ្សំសម្រាប់ធ្វើផ្អកមានដូចជាត្រី, អំបិល, ត្រប៉ែ និងស្ករ។ ការធ្វើផ្អកគឺត្រូវជ្រើសរើសត្រីយកមកធ្វើ គឺមិនដូចជាត្រីសម្រាប់ធ្វើប្រហុកនោះទេ។ ផ្អកត្រូវការត្រីដែលនៅស្រស់ៗ ហើយច្រើនតែជាប្រភេទត្រីធំៗ។
វិធីធ្វើ៖
ដំបូងត្រូវយកត្រីទៅលាងទឹកឲ្យស្អាត ហើយទុកឲ្យស្រស់ទឹក។ បន្ទាប់មកគេយកវាមកស្រកា, វះពោះ, កាត់កន្ទុយ និង ព្រុយចេញ។ ការស្រកាត្រីធ្វើផ្អក គឺត្រូវធ្វើឲ្យស្អាតតែម្តង ដ្បិតគេមិនយកទៅជាន់ ឬលាងម្តងទៀតដូចជាប្រហុកនោះទេ ព្រោះបើមានទឹកនៅជាប់នឹងខ្លួនត្រី ផ្អកនោះនឹងខូចនៅពេលផ្អាប់ទុក។ គេយកត្រីដែលធ្វើស្អាតរួចទៅដាក់ក្នុងចានដែក រួចយកអំបិលមករោយពីលើ ហើយច្របាច់ត្រីជាមួយអំបិលឲ្យសព្វសាច់ត្រី។ ពាងសម្រាប់ផ្អាប់ត្រីផ្អក ត្រូវលាងឲ្យស្អាត ហើយហាលឲ្យស្ងួតល្អ។ គេរោយអំបិល នៅបាតពាងរួចទើបយកត្រីដែលប្រលាក់រួចនោះ មកតម្រៀបលើគ្នាជាស្រទាប់ៗ និងសង្កត់ឲ្យណែន។
ក្រោយពីតម្រៀបរួច គេរោយអំបិលខ្លះៗទៀតពីលើ ហើយយកចម្រៀកឫស្សីមកខ្ចាស់ពីលើ ទើបយកក្រណាត់មកចងគ្របមាត់ពាងឲ្យជិត ដើម្បីការពារកុំឲ្យខ្យល់ចូល ឬរុយពងដាក់។
គេត្រូវផ្អាប់ទុកពី ១ ទៅ ២ ខែកន្លះ ដើម្បីឲ្យបាត់ក្លិនឆ្អាបរួចទើបគេយកវាមក “ចាវ។ របៀបចាវនោះ គឺគេយកទឹកដែលចេញពីត្រីផ្អកនោះមកលាយជាមួយស្ករត្នោត និងត្រប៉ែ កូរឲ្យសព្វ រួចយកវាទៅប្រឡាក់ជាមួយត្រីដែលផ្អាប់នោះឲ្យសព្វសាច់។ ប្រសិនបើត្រីដែលធ្វើផ្អកនោះទម្ងន់ ១០គ.ក គេត្រូវដាក់ស្ករ ១,៥ គ.ក. និងត្រប៉ែ១,៥គ.ក. ដូចគ្នា។
ក្រោយពីចាវរួច គេទុករយៈពេល ២០ ថ្ងៃ ឬ១ខែទៀត ដើម្បីកុំឲ្យមានក្លិនឆ្អាប ទើបអាចយកទៅធ្វើម្ហូបបាន៕
ក្រសួងការងារបើកកិច្ចប្រជុំបូកសរុបលទ្ធផលប្រចាំឆ្នាំរបស់ក្រុមអធិការកិច្ចអន្ដរក្រសួងក្នុងវិស័យកម្មន្ដសាល
មេការសំណង់ជនជាតិចិនម្នាក់ ធ្លាក់ពីជាន់ទី៤២ នៃអគារ ខុនដូ កំពុងសាងសង់ នៅមូលដ្ឋានខណ្ឌបឹងកេងកង
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
បុរសម្នាក់វ័យ២៨ឆ្នាំ នៅខេត្តកំពង់ចាម ស្លាប់ដោយសារជំងឺផ្តាសាយបក្សី ក្រោយបរិភោគសត្វមាន់ឈឺ
លោក យិត ស៊ុនណារ៉ា ណែនាំឱ្យលោក តាតសុវណ្ណ នាយកថ្មីសាលាមធ្យមសិក្សាសុខាភិបាលភូមិភាគស្ទឹងត្រែងត្រូវបន្តដឹកនាំដោយប្រសិទ្ធភាព
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
ក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
នាយឧត្តមសេនីយ៍ សៅ សុខា បញ្ជាឱ្យចាប់ឡានសារ៉ែនដែលបើកផ្លូវឱ្យអ្នកលក់អនឡាញឱ្យបាន
រថយន្ត ១ គ្រឿង ដឹកបុរសម្នាក់ ទម្លាក់ចោលមុខវត្តទួលសុភាឃួន ព្រឹកឡើងប្រទះឃើញស្លាប់បាត់បង់ជីវិត
-
ព័ត៌មានជាតិ១ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ២ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា១ សប្តាហ៍ agoគ្រួសារលោកគ្រូ អេ ភូថង ជួបទុក្ខធំផ្ទួនៗ
-
ព័ត៌មានអន្ដរជាតិ១ សប្តាហ៍ agoអ្នកដំណើរមួយយន្តហោះ ជិះចេញពីព្រលាននៅឆ្នាំ២០២៥ តែចុះចតនៅឆ្នាំ២០២៤
-
ព័ត៌មានជាតិ២ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ១១ ម៉ោង agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ